![വീണ്ടും നിരാശപ്പെടുത്തി സഞ്ജു; രണ്ടാം ഏകദിനത്തിൽ ഇന്ത്യ പൊരുതുന്നു](http://media.assettype.com/reporterlive%2F2023-12%2Fe53b1d60-d54d-4a80-8aeb-677b5a04ceaa%2Find__10_.jpg?w=480&auto=format%2Ccompress&fit=max)
പോർട്ട് എലിസബത്ത്: ഇന്ത്യൻ ജഴ്സിയിൽ വീണ്ടും നിരാശപ്പെടുത്തി മലയാളി താരം സഞ്ജു സാംസൺ. ദക്ഷിണാഫ്രിക്കയ്ക്കെതിരായ രണ്ടാം ഏകദിനത്തിൽ സഞ്ജു 23 പന്തിൽ 12 റൺസെടുത്ത് പുറത്തായി. ഒരു ബൗണ്ടറി മാത്രമാണ് സഞ്ജുവിന്റെ ഇന്നിംഗ്സിലുള്ളത്. അഞ്ചാമാനായാണ് സഞ്ജു ക്രീസിലെത്തിയത്.
മത്സരത്തിൽ ടോസ് നേടിയ ദക്ഷിണാഫ്രിക്ക ബൗളിംഗ് തിരഞ്ഞെടുക്കുകയായിരുന്നു. ആദ്യ പന്തിൽ ബൗണ്ടറി നേടിയ റുതുരാജ് ഗെയ്ക്ക്വാദ് രണ്ടാം പന്തിൽ വിക്കറ്റിന് മുന്നിൽ കുരുങ്ങി പുറത്തായി. പിന്നാലെ വന്ന തിലക് വർമ്മ അമിത സമ്മർദ്ദത്തിലായിരുന്നു. 30 പന്തിൽ 10 റൺസ് മാത്രമാണ് തിലക് നേടിയത്.
സായി സുദർശന്റെയും കെ എൽ രാഹുലിന്റെയും അർദ്ധ സെഞ്ചുറികൾ മാത്രമാണ് ഇന്ത്യൻ ഇന്നിംഗ്സ് ഭേദപ്പെട്ട നിലയിലേക്ക് നയിച്ചത്. സുദർശൻ 62ഉം രാഹുൽ 56ഉം റൺസ് നേടി പുറത്തായി. മത്സരം 36 ഓവർ പൂർത്തിയാകുമ്പോൾ ഇന്ത്യ അഞ്ച് വിക്കറ്റിന് 168 റൺസെന്ന നിലയിലാണ്.