ഡൽഹി: റുതുരാജ് ഗെയ്ക്ക്‌വാദിനും റിങ്കു സിംഗിനും ഇന്ത്യൻ ക്രിക്കറ്റ് ടീമിൽ ഇടം ലഭിക്കാൻ പ്രയാസമെന്ന് മുൻ താരം സുബ്രമണ്യം ബദരീനാഥ്. ശ്രീലങ്കൻ പരമ്പരയ്ക്കുള്ള ഇന്ത്യൻ ടീമിൽ നിന്ന് ഇരുവരും ഒഴിവാക്കപ്പെട്ടതിൽ പ്രതികരിക്കുകയായിരുന്നു ബദരീനാഥ്. തന്റെ യൂട്യുബ് ചാനൽ വഴിയാണ് ഇന്ത്യൻ മുൻ താരത്തിന്റെ പ്രതികരണം.
റിങ്കു സിംഗിനും റുതുരാജ് ഗെയ്ക്ക്‌വാദിനും ചിലപ്പോഴെങ്കിലും ഒരു മോശം വ്യക്തിയെന്ന പ്രതിച്ഛായ ഉണ്ടാകണം. അതിന് ചിലപ്പോൾ ബോളിവുഡ് നടിമാരുമായി ബന്ധം ഉണ്ടാകണം. ശരീരത്തിൽ ടാറ്റൂ പതിപ്പിക്കണം. മികച്ചൊരു മാധ്യമസഹായിയും കൂടെ ഉണ്ടാകണം. ഇത്തരക്കാർക്കാണ് ഇന്ത്യൻ ടീമിൽ മുൻഗണനയെന്ന് സുബ്രമണ്യം ബദരീനാഥ് പറഞ്ഞു.
ശ്രീലങ്കയ്ക്കെതിരായ ട്വന്റി 20 പരമ്പരയ്ക്കുള്ള ഇന്ത്യൻ ടീമിൽ റിങ്കു സിംഗിന് ഇടം ലഭിച്ചിരുന്നു. എന്നാൽ റുതുരാജിനെ രണ്ട് ടീമുകളിൽ നിന്നും ഒഴിവാക്കി. മുൻ സീരിസുകളിൽ ഇന്ത്യയ്ക്കായി മികച്ച പ്രകടനം നടത്തിയിട്ടും റുതുരാജിനെ ഒഴിവാക്കിയത് വലിയ വിമർശനങ്ങൾക്ക് വഴിവെച്ചിരുന്നു.
