Get the latest news at
your fingertips!
Download our app now
LIVE TV
Search
ആലപ്പുഴ: ദീപാവലി ആഘോഷത്തെ തുടർന്ന് കയര്‍ ഫാക്ടറി ഉടമയ്ക്ക് നഷ്ടമായത് ലക്ഷങ്ങള്‍. ആഷോഷത്തിനിടെ പടക്കം വന്ന് വീണത് അടുത്തുളള ഫാക്ടറിയുടെ ഗോഡൗണിലായിരുന്നു. ചകിരിക്ക് തീ പിടിച്ചതോടെ തീ ആളിപ്പടർന്നു. മണ്ണഞ്ചേരി ഗ്രാമപഞ്ചായത്ത് 14-ാം വാര്‍ഡിലാണ് സംഭവം. തീപിടുത്തത്തിൽ മൂന്ന് ലക്ഷം രൂപയുടെ നഷ്ടം ഉണ്ടായതായി ഫാക്ടറി ഉടമ വേണു പറഞ്ഞു.
ഇന്നലെ വൈകിട്ട് 7.30 ഓടെയാണ് തീപിടുത്തമുണ്ടായത്. രണ്ട് യൂണിറ്റ് ഫയര്‍ഫോഴ്‌സ് എത്തിയാണ് ഫാക്ടറിയിലെ തീയണച്ചത്. നാട്ടുകാരും രക്ഷാപ്രവര്‍ത്തനത്തിനുണ്ടായിരുന്നു. ഗോഡൗണിന് അടുത്ത് താമസിക്കുന്ന കുറച്ച് യുവാക്കളാണ് ദീപാവലി ആഘോഷത്തോട് അനുബന്ധിച്ച് പടക്കം പൊട്ടിച്ചത്.
സമീപത്ത് തന്നെയാണ് വേണുവും കുടുംബവും താമസിച്ചിരുന്നതെങ്കിലും തീ ആളികത്തിയതിന് ശേഷമാണ് ശ്രദ്ധയിൽ പെട്ടത്. അപ്പോഴേയ്ക്കും തീ നിയന്ത്രണാതീതമായി പടര്‍ന്നിരുന്നു. ഉടൻ തന്നെ ഫയര്‍ഫോഴ്‌സിൽ വിവരമറിയിക്കുകയായിരുന്നു.
Content Highlights: The owner of the coir factory lost three lakh rupees after the Diwali celebration
