Get the latest news at
your fingertips!
Download our app now
LIVE TV
Search
പിറവം: ബിവറേജ് കോർപ്പറേഷന്റെ വിൽപ്പന ശാലയിലെത്തി മദ്യം മോഷ്ടിച്ച യുവാവിനെ മണിക്കൂറുകൾക്കകം കസ്റ്റഡിയിൽ എടുത്ത് പൊലീസ്. പിറവം മാർക്കറ്റ് വ്യാപാര സമുച്ചയത്തിലെ ബിവറേജ് കേന്ദ്രത്തിൽ ഇന്നലെ ഉച്ചയ്ക്കായിരുന്നു സംഭവം. മൂന്നംഗ സംഘമാണ് മോഷണം നടത്താൻ എത്തിയത്
മദ്യം വാങ്ങാനെത്തിയ മൂന്നംഗ സംഘം രണ്ട് കുപ്പി മദ്യം വാങ്ങി. ബില്ലടിക്കുന്നതിനിടയിലാണ് കൂട്ടത്തിലൊരാൾ അലമാരയിൽനിന്ന് വില കൂടിയ മദ്യക്കുപ്പി കൈക്കലാക്കി ഒളിപ്പിക്കുകയായിരുന്നു. സംഭവ സമയത്ത് മദ്യം വാങ്ങാനെത്തിയവരിൽ ചിലർ ഇത് കണ്ടിരുന്നുവെങ്കിലും പിന്നീട് ജീവനക്കാർ സിസിടിവി ദൃശ്യങ്ങൾ പരിശോധിച്ചപ്പോഴാണ് പ്രതികളുടെ തട്ടിപ്പ് മനസിലാക്കുന്നത്. തുടർന്ന് ജീവനക്കാർ പൊലീസിൽ വിവരം അറിയിക്കുകയായിരുന്നു. സിസിടിവി ദൃശ്യങ്ങളടക്കമുളള തെളിവുകൾ വെച്ച് പൊലീസ് ഉടൻ തന്നെ അന്വേഷണം ആരംഭിച്ചു.
അന്വേഷണത്തിനിയിൽ മദ്യമോഷണം നടത്തുന്ന ചില പ്രതികളുടെ ഫോട്ടോ പൊലീസ് ജീവനക്കാരെ കാണിച്ചിരുന്നു. ആ കൂട്ടത്തിൽ ജീവനക്കാർ മൂന്നംഗ സംഘത്തെ തിരിച്ചറിയുകയായിരുന്നു. പ്രതിയെ തിരിച്ചറിഞ്ഞ പൊലീസ് ഉടൻ തന്നെ പ്രതികളെ കണ്ടെത്തുകയും കസ്റ്റഡിയിൽ എടുക്കുകയും ചെയ്തു. വൈദ്യ പരിശോധനയ്ക്ക് വിധേയനാക്കിയതിന് ശേഷം പൊലീസ് കേസെടുത്തു.
