Get the latest news at
your fingertips!
Download our app now
LIVE TV
Search
കൊച്ചി: ചെറായി ബീച്ചില്‍ കുളിക്കാനിറങ്ങി കാണാതായ യുവാവിന്റെ മൃതദേഹം കണ്ടെത്തി. ബിഹാര്‍ സ്വദേശി ഖാലിദ് മഹ്‌മൂദ് ഹാഷ്മി ആണ് മരിച്ചത്. മൃതദേഹം പറവൂര്‍ താലൂക്ക് ആശുപത്രിയിലേക്ക് മാറ്റി. കുസാറ്റിലെ ബിടെക് വിദ്യാര്‍ത്ഥിയാണ്.
സുഹൃത്തുക്കള്‍ക്കൊപ്പം ബീച്ചില്‍ സായാഹ്നം ആസ്വദിക്കാനെത്തിയതായിരുന്നു ഖാലിദ്. എട്ട് പേരടങ്ങിയ സംഘമായിരുന്നു ബീച്ചിലെത്തിയത്. ഇതില്‍ രണ്ട് പേര്‍ കുളിക്കാനിറങ്ങുകയായിരുന്നു. വൈകീട്ട് നാലരയോടെ ഇരുവരും തിരയില്‍പ്പെടുകയും ഒരാളെ രക്ഷപ്പെടുത്തുകയുമായിരുന്നു. പരിക്കേറ്റ യുവാവിനെ സ്വകാര്യ ആശുപത്രിയിലേക്ക് മാറ്റി.
സംഭവം നടന്നയുടന്‍ മത്സ്യത്തൊഴിലാളികളുടെ നേതൃത്വത്തില്‍ തിരച്ചില്‍ ആരംഭിച്ചിരുന്നു. പൊലീസും കോസ്റ്റ് ഗാര്‍ഡും സ്ഥലത്തെത്തി തിരച്ചില്‍ നടത്തിയിരുന്നു. ഇതിന് പിന്നാലെയാണ് മൃതദേഹം കണ്ടെത്തിയത്.
Content Highlight: Body of youth who went missing in cherai beach found
