Get the latest news at
your fingertips!
Download our app now
LIVE TV
Search
കട്ടപ്പന: ഇടുക്കി കട്ടപ്പനയിൽ കപ്പബിരിയാണിയിൽ നിന്നും ജീവനുള്ള പുഴുവിനെ കണ്ടെത്തി. ഇടുക്കികവല ഹോട്ടലിൽ വിളമ്പിയ കപ്പ ബിരിയാണിയിലാണ് പുഴുവിനെ കണ്ടെത്തിയത്. തിങ്കളാഴ്ച വൈകീട്ട് കാഞ്ചിയാർ സ്വദേശികളായ ദമ്പതികൾക്കാണ് പുഴുവുള്ള ഭക്ഷണം ലഭിച്ചത്. ഇതിന് പിന്നാലെ ദമ്പതികൾ കട്ടപ്പന നഗരസഭ ആരോഗ്യവിഭാഗത്തിന് പരാതി നൽകുകയായിരുന്നു.
ദമ്പതികൾ പുഴുവിനെ കണ്ടെത്തിയ വിവരം ഹോട്ടൽ ഉടമയേയും അറിയിച്ചിരുന്നു. പരാതിയുടെ അടിസ്ഥാനത്തിൽ ആരോഗ്യവിഭാഗത്തിലെ ഉദ്യോഗസ്ഥരെത്തി തിരച്ചിൽ നടത്തിയെങ്കിലും അപ്പോഴേക്കും പഴകിയ ഭക്ഷണസാധനങ്ങൾ ജീവനക്കാർ നീക്കിയിരുന്നു. അതേസമയം അടുക്കള വൃത്തിഹീനമല്ലാത്ത സാഹചര്യത്തിലാണ് പ്രവർത്തിക്കുന്നതെന്ന് ചൂണ്ടിക്കാട്ടി ഹോട്ടൽ ഉടമയ്ക്ക് അധികൃതർ നോട്ടീസ് കൈമാറിയിട്ടുണ്ട്.
Content Highlight: Worms found in food served in Kattappana
