Get the latest news at
your fingertips!
Download our app now
LIVE TV
Search
കണ്ണൂര്: കണ്ണൂര് സെന്ട്രല് ജയിലിന് സമീപത്ത് നിന്ന് രണ്ട് യുവാക്കളെ നിരോധിത ലഹരി മരുന്നായ എംഡിഎംഎയുമായി പൊലീസ് പിടികൂടി. ഇന്ന് രാവിലെയാണ് സംഭവം. സെന്ട്രല് ജയിലിന് സമീപത്ത് നില്ക്കുകയായിരുന്ന ഇവരെ സംശയം തോന്നി പൊലീസുകാര് പരിശോധിച്ചപ്പോഴാണ് എംഡിഎംഎ കണ്ടെത്തിയത്. കണ്ണൂര് കൊറ്റാളി സ്വദേശി ഇര്ഫാന്, മക്രേരി സ്വദേശി അഷിന് എന്നിവരാണ് പിടിയിലായത്.
ഇവരില് നിന്ന് 3.7 ഗ്രാം എംഡിഎംഎ പിടിച്ചെടുത്തതായി പൊലീസ് അറിയിച്ചു. വില്പ്പനയ്ക്കായി എത്തിച്ചതാണോ ഉപയോഗിക്കാനായി കൈവശം വച്ചതാണോയെന്ന് വ്യക്തമല്ലെന്നും പ്രതികളെ വിശദമായി ചോദ്യം ചെയ്യുമെന്നും പൊലീസ് അറിയിച്ചു. ഇരുവരെയും അറസ്റ്റ് രേഖപ്പെടുത്തി കോടതിയില് ഹാജരാക്കി. ഇവര് സഞ്ചരിച്ച ഇന്നോവ കാര് കണ്ണൂര് ടൗണ് എസ്എച്ച്ഓ ശ്രീജിത്ത് കൊടേരിയുടെ നേതൃത്വത്തിലുളള പൊലീസ് സംഘം കസ്റ്റഡിയിലെടുത്തു.
രോഗി ലിഫ്റ്റില് കുടുങ്ങിയ സംഭവം ഞെട്ടിക്കുന്നത്; ആരോഗ്യ മന്ത്രി രാജിവെക്കണമെന്ന് പ്രതിപക്ഷനേതാവ്
