ഹണി ട്രാപ്പിലൂടെ നഗ്നചിത്രം പകർത്തി; തട്ടിയത് ലക്ഷങ്ങള്, പ്രതി പിടിയിൽ

ഇതേ കേസിൽ രണ്ടു സ്ത്രീകളടക്കം ഏഴുപേരെ കഴിഞ്ഞ ജനുവരിയിൽ പൊലീസ് കസ്റ്റഡിയിൽ എടുത്തിരുന്നു.

റിപ്പോർട്ടർ നെറ്റ്‌വര്‍ക്ക്‌

1 min read|05 Sep 2024, 11:34 am

കാസർഗോഡ്: ഹണി ട്രാപ്പിലൂടെ നഗ്നചിത്രം പകർത്തി അഞ്ചുലക്ഷം രൂപ തട്ടിയെടുത്ത പ്രതി പിടിയിൽ. ചെമ്മനാട് മുണ്ടാങ്കുളം സ്വദേശി സയ്യിദ് റഫീഖിനെ (33) നെയാണ് പൊലീസ് പിടികൂടിയത്. ഇതേ കേസിൽ രണ്ടു സ്ത്രീകളടക്കം ഏഴുപേരെ കഴിഞ്ഞ ജനുവരിയിൽ പൊലീസ് കസ്റ്റഡിയിൽ എടുത്തിരുന്നു.

ഹണി ട്രാപ്പിലൂടെ 59-കാരനിൽ നിന്നാണ് പ്രതി അഞ്ചുലക്ഷം രൂപ തട്ടിയെടുത്തത്. നേരത്തെ അറസ്റ്റ് അറസ്റ്റ് ചെയ്ത ഏഴുപേരിൽ ഒരാളായ എംപി റുബീന (29) പാവപ്പെട്ട വിദ്യാർഥിയാണെന്ന് തെറ്റിദ്ധരിപ്പിച്ചാണ് ഹണി ട്രാപ്പ് നടത്തിയത്. തട്ടിപ്പിനിരയായ പരാതിക്കാരൻ ഒരു ജീവകാരുണ്യപ്രവർത്തകൻ കൂടിയാണ്. റുബീനയുടെ പഠനാവശ്യത്തിന് ലാപ്ടോപ്പ് വാങ്ങാൻ പരാതിക്കാരനെ മംഗളൂരുവിലെത്തിച്ചിരുന്നു. അവിടെ ഒരു ഹോട്ടലിൽ കൊണ്ടുപോയാണ് നഗ്നചിത്രം പകർത്തി ചതിയിൽ പെടുത്തിയത്. നഗ്നചിത്രം പരസ്യപ്പെടുത്തുമെന്ന് പറഞ്ഞാണ് പരാതികാരനെ ഭീഷണിപ്പെടുത്തിയിരുന്നത്.

യുവാവ് സുഹൃത്തിന്റെ വീട്ടില് മരിച്ച നിലയില്; അന്വേഷണം ആരംഭിച്ച് പൊലീസ്

തട്ടിപ്പ് സംഘത്തിന്റെ ഡ്രൈവറാണ് റഫീഖ്. മൊബൈൽഫോൺ ലൊക്കേഷൻ ട്രാക്ക് ചെയ്താണ് ഇയാളെ അറസ്റ്റ് ചെയ്തത്. ഹൊസ്ദുർഗ് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി രണ്ടിൽ ഹാജരാക്കി ഇയാളെ റിമാൻഡ് ചെയ്തു.

യുവാവ് അടിയേറ്റ് മരിച്ചു; അമ്മയും സഹോദരനും കസ്റ്റഡിയില്