Get the latest news at
your fingertips!
Download our app now
LIVE TV
Search
കാസർകോട്: കാസർകോട് ആഴിത്തലയിൽ ബോട്ട് അപകടത്തിൽ കാണാതായ യുവാവിന്റെ മൃതദേഹം കണ്ടെത്തി. മലപ്പുറം പരപ്പനങ്ങാടി സ്വദേശി മുജീബിന്റെ മൃതദേഹമാണ് കണ്ടെത്തിയത്. വൈകുന്നേരം കാഞ്ഞങ്ങാട് പുഞ്ചാവി കടപ്പുറത്ത് കരയ്ക്കടിയുകയായിരുന്നു. അപകടത്തിൽ കാണാതായ പരപ്പനങ്ങാടി സ്വദേശി കോയമോൻ്റെ മൃതദേഹം നേരത്തെ കണ്ടെത്തിയിരുന്നു.
ഇന്നലെ അഞ്ചുമണിയോടെ മടക്കര ഹാർബറിൽ നിന്ന് മത്സ്യബന്ധനത്തിനായി പോയ ബോട്ടാണ് അപകടത്തിൽപ്പെട്ടത്. പടന്ന സ്വദേശിയുടെ 'ഇന്ത്യൻ' എന്ന ബോട്ടാണ് മറിഞ്ഞത്. ഉച്ചയ്ക്ക് ഒരു മണിയോടെ മടങ്ങിവരുന്നതിനിടെയായിരുന്നു അപകടം.
70 അടി നീളമുള്ള ബോട്ടിൽ 36 തൊഴിലാളികളാണ് മത്സ്യബന്ധനത്തിനായി കടലിൽ പോയത്. 10 തമിഴ്നാട് സ്വദേശികളും, 15 ഒഡീഷാ സ്വദേശികളും, മലപ്പുറം പരപ്പനങ്ങാടിയിലെ 12 പേരുമാണ് ബോട്ടിൽ ഉണ്ടായിരുന്നത്. അപ്രതീക്ഷിതമായി കടൽ പ്രക്ഷുബ്ധമായതോടെ ബോട്ട് മറിയുകയായിരുന്നു. അപകടത്തിൽപ്പെട്ട 15 പേരെ രക്ഷപ്പെടുത്തി.
Content Highlight: Body of man went missing after boat accident found
