LIVE TV
കൊല്ലം: കരുനാഗപ്പള്ളി പള്ളിക്കലാറില്‍ വള്ളം മറിഞ്ഞ് രണ്ട് യുവാക്കള്‍ക്ക് ദാരുണാന്ത്യം. കല്ലേലി ഭാഗം സ്വദേശികളായ ശ്രീരാഗ് (24) അജിത്ത് (23) എന്നിവരാണ് മരിച്ചത്. ആറ്റില്‍ മീന്‍ പിടിക്കാനായി എത്തിയ നാലംഗ സംഘത്തിന്റെ വള്ളമാണ് മറിഞ്ഞത്.
സംഘത്തിലുണ്ടായിരുന്ന രണ്ട് പേര്‍ നീന്തി രക്ഷപ്പെട്ടു. മരിച്ച ശ്രീരാഗിന്റെ ഇരട്ട സഹോദരനായ ശ്രീരാജ്, അനന്ദു എന്നിവരാണ് രക്ഷപ്പെട്ടത്. ഫയര്‍ഫോഴ്‌സിന്റെ സ്‌കൂബ സംഘം സംഭവസ്ഥലത്തെത്തിയാണ് ഒഴുക്കില്‍പ്പെട്ട ശ്രീരാഗിനേയും അജിത്തിനേയും കരക്കെത്തിച്ചത്.
ഇരുവരേയും ആശുപത്രിയില്‍ പ്രവേശിപ്പിച്ചിരുന്നുവെങ്കിലും മരിച്ചിരുന്നു. കനത്ത മഴയും കാറ്റുമാണ് വള്ളം മറിയാന്‍ കാരണമെന്നാണ് പ്രാഥമിക നിഗമനം.
Content Highlights: two youths died after boat overturns in kollam
