LIVE TV
കൊല്ലം: ബൈക്കും പിക്കപ്പ് വാനും കുട്ടിയിടിച്ചുണ്ടായ അപകടത്തില്‍ 19-കാരന് ദാരുണാന്ത്യം. തേവലക്കര പാലയ്ക്കല്‍ കാട്ടയ്യത്ത് ഷിഹാബുദ്ദീന്റെയും സജീദയുടെയും മകന്‍ അല്‍ത്താഫാണ് മരിച്ചത്. അല്‍ത്താഫിന്റെ ജന്മദിനത്തിലാണ് ദാരുണ സംഭവമുണ്ടായത്.
വെള്ളിയാഴ്ച ഉച്ചയ്ക്ക് കല്ലേലിഭാഗം സ്‌കൂളിന് സമീപമായിരുന്നു അപകടമുണ്ടായത്. അല്‍ത്താഫും സുഹൃത്തും സഞ്ചരിച്ച ബൈക്കിലാണ് പിക്കപ്പ് വാന്‍ ഇടിച്ചത്. കരുനാഗപ്പള്ളി ഐഎച്ച്ആര്‍ഡി എഞ്ചിനീയറിങ് കോളേജ് വിദ്യാര്‍ത്ഥിയായിരുന്നു അല്‍ത്താഫ്.
വെള്ളിയാഴ്ച ജുമുഅ നമസ്‌കാരത്തിനായി മസ്ജിദിലേക്ക് പോകവെയായിരുന്നു അപകടം. ഗുരുതരമായി പരിക്കേറ്റ അല്‍ത്താഫ് സംഭവസ്ഥലത്തുവെച്ചു തന്നെ മരിച്ചു. സുഹൃത്തിനെ ആശുപത്രിയില്‍ പ്രവേശിപ്പിച്ചിരിക്കുകയാണ്. ബന്ധുക്കളും സുഹൃത്തുക്കളും ചേര്‍ന്ന് അല്‍ത്താഫിന്റെ ജന്മദിനം ആഘോഷിക്കാനിരിക്കെയായിരുന്നു അപകടം. കബറടക്കം ശനിയാഴ്ച തേവലക്കര ചാലിയത്ത് മുസ്ലിം ജമാഅത്തില്‍ നടക്കും.
Content Highlights: Youth Died In Accident In Kollam
