LIVE TV
കേരള നീറ്റ് യുജി 2024 രണ്ടാംഘട്ട ഓപ്ഷനിൽ കണ്‍ഫര്‍മേഷന്‍ സമർപ്പിക്കാനുള്ളസമയപരിധി നീട്ടിയതായി പ്രവേശന പരീക്ഷാ കമ്മീഷണർ അറിയിച്ചു. രണ്ടാം ഘട്ടത്തിലേയ്ക്ക് രജിസ്റ്റർ ചെയ്തിട്ടുള്ള വിദ്യാ‍ർത്ഥികൾക്ക് cee.kerala.gov.in എന്ന ഔദ്യോഗിക വെബ്‌സൈറ്റിൽ 2024 സെപ്റ്റംബർ 24 ഉച്ചയ്ക്ക് 12 മണി വരെ തങ്ങളുടെ മുൻഗണനകൾ സമർപ്പിക്കാം.
സംസ്ഥാനത്തുടനീളമുള്ള ബാച്ചിലർ ഓഫ് മെഡിസിൻ, ബാച്ചിലർ ഓഫ് സർജറി (എംബിബിഎസ്), ബാച്ചിലർ ഓഫ് ഡെൻ്റൽ സർജറി (ബിഡിഎസ്) കോഴ്‌സുകളിലേക്കുള്ള പ്രവേശനത്തിന് നിർണായകമായ ചോയ്സ്-ഫില്ലിംഗ് പ്രക്രിയ പൂർത്തിയാക്കാനാണ് നിലവിൽ സമയം നീട്ടി നൽകിയിരിക്കുന്നത്. രണ്ടാം ഘട്ടത്തിലേയ്ക്കുള്ള പ്രൊവിഷണൽ സീറ്റ് അലോട്ട്‌മെൻ്റ് ഫലങ്ങൾ സെപ്റ്റംബർ 25-ന് പ്രഖ്യാപിക്കും. അവസാന സീറ്റ് അലോട്ട്‌മെൻ്റ് 2024 സെപ്റ്റംബർ 27-നായിരിക്കും.
ആദ്യ ഘട്ടത്തിൽ സീറ്റ് നേടുകയും സീറ്റ് ഉപേക്ഷിക്കാൻ ആഗ്രഹിക്കുകയും ചെയ്യുന്ന ഉദ്യോഗാർത്ഥികൾ 2024 സെപ്റ്റംബർ 23-ന് വൈകുന്നേരം 5 മണിക്ക് മുമ്പ് അത് ചെയ്യണം. സീറ്റ് ഒഴിയുന്നവരെ എംബിബിഎസ് അല്ലെങ്കിൽ ബിഡിഎസ് പ്രോഗ്രാമുകളിലേക്കുള്ള കേന്ദ്രീകൃത അലോട്ട്‌മെൻ്റിൻ്റെ തുടർ റൗണ്ടുകളിലേക്ക് പരിഗണിക്കുന്നതല്ല.
