Get the latest news at
your fingertips!
Download our app now
LIVE TV
Search
ഇന്ത്യൻ ആർമിയിൽ അവിവാഹിതരായ നിയമ ബിരുദധാരികൾക്കായി ഒഴിവ്. ഇന്ത്യൻ ആർമിയിലെ ജഡ്ജി അഡ്വക്കേറ്റ് ജനറൽ ബ്രാഞ്ചിലേക്കാണ് ഷോർട്ട് സർവീസ് കമ്മീഷൻ അപേക്ഷ ക്ഷണിച്ചത്. 55 ശതമാനം മാർക്കിൽ കുറയാതെ എൽഎൽബി ബിരുദം നേടിയവർക്ക് അപേക്ഷിക്കാം. ബാർ കൗൺസ്സിൽ ഓഫ് ഇന്ത്യ അംഗീകരിച്ച കോളേജിൽ നിന്നോ സർവകലാശാലയിൽ നിന്നോ ഉള്ളവരായിരിക്കണം അപേക്ഷിക്കേണ്ടത്. ഇതിനായി 21 മുതൽ 27 വയസ്സ് വരെയുള്ള കാൻഡിഡേറ്റ്സിനെയാണ് ആവിശ്യം. നിലവിൽ 5 പുരുഷന്മാ‌ർക്കും 5 സ്ത്രീകൾക്കുമുളള ഒഴിവാണുള്ളത്. കോഴ്‌സുകൾക്ക് അപേക്ഷിക്കുന്ന എല്ലാ ഉദ്യോഗാർത്ഥികൾക്കും (LLM യോഗ്യതയുള്ളവരും LLM ഹാജരായ ഉദ്യോഗാർത്ഥികളും ഉൾപ്പെടെ) CLAT PG 2024 സ്കോർ നിർബന്ധമാണ് കൂടാതെ ഉദ്യോഗാർത്ഥികൾ ബാർ കൗൺസിൽ ഓഫ് ഇന്ത്യ/സ്റ്റേറ്റ് എന്നിവയിൽ അഭിഭാഷകനായി രജിസ്ട്രേഷന് യോഗ്യതയും നേടിയിരിക്കണം. ഓൺലൈൻ അപേക്ഷ സമർപ്പിക്കാനുള്ള അവസാന തീയതി 28.11.2024 ആണ്.
ഘട്ടം 1: ഇന്ത്യൻ ആർമിയുടെ ഔദ്യോഗിക വെബ്സൈറ്റായ www.joinindianarmy.nic.in ഓപ്പൺ ചെയ്യുക
ഘട്ടം 2: 'Officer Entry Appln/Login' എന്നതിൽ ക്ലിക്ക് ചെയ്യുക, തുടർന്ന് 'Registration' എന്നതിൽ ക്ലിക്ക് ചെയ്യുക
ഘട്ടം 3: ഓൺലൈൻ രജിസ്ട്രേഷൻ ഫോം പൂരിപ്പിച്ച് ഡാഷ്ബോർഡിന് താഴെയുള്ള 'Apply Online' എന്നതിൽ ക്ലിക്ക് ചെയ്യുക.
ഘട്ടം 4: ഇത് നിങ്ങളെ 'Officers Selection - ‘Eligibility' എന്ന പേജിലേക്ക് റീഡയറക്‌ടുചെയ്യും അതിൽ . തുടർന്ന് ഷോർട്ട് സർവീസ് കമ്മീഷൻ JAG എൻട്രി കോഴ്‌സിന് നേരെ കാണിച്ചിരിക്കുന്ന Apply എന്നതിൽ ക്ലിക്ക് ചെയ്യുക.
ഘട്ടം 5: ഇവിടെ നിന്ന് '‘Application Form' എന്ന് ഒരു പേജ് തുറക്കും. നിർദ്ദേശങ്ങൾ ശ്രദ്ധാപൂർവ്വം വായിച്ച് ആവശ്യമുള്ള വിശദാംശങ്ങൾ പൂരിപ്പിക്കുന്നതിന് 'Continue' ക്ലിക്ക് ചെയ്യുക.
ഘട്ടം 6: ഇങ്ങനെ നിങ്ങൾ ഓരോ അടുത്ത സെഗ്‌മെൻ്റിലേക്ക് പോകുന്നതിന് മുമ്പ് ഓരോ തവണയും മാറ്റങ്ങൾ സേവ് ചെയത് തുടരുക.
Content Highlights- JAG Entry Scheme (JAG 34) Recruitment 2025
