'കോക്കിന്റെ റിവ്യു കണ്ടു, ഞങ്ങൾക്ക് ഇഷ്ടം പോലെ അംഗീകാരം കിട്ടുന്നുണ്ട്'; 'കാതൽ' എഴുത്തുകാർ പറയുന്നു

'ഞങ്ങൾ പ്രേക്ഷകരുടെ അഭിപ്രായത്തിൽ ഹാപ്പിയാണ്. അശ്വന്ത് കോക്കിന്റെ റിവ്യൂ കണ്ടിരുന്നു. അദ്ദേഹം റിവ്യൂ പറയുന്നത് അദ്ദേഹത്തിന്റെ ഇഷ്ടമാണ്. അത് അവരുടെ വ്യക്തിപരമായ അഭിപ്രായമാണ്. അതിൽ ഞങ്ങൾക്കൊന്നും പറയാനില്ല. സിനിമ കണ്ട് നാല് വരിയെങ്കിലും കാതലിനെ കുറിച്ച് എഴുതിയിടാതെ ഒരു മെൻഷൻ പോലും ഞങ്ങൾക്ക് സോഷ്യൽ മീഡിയയിൽ വരുന്നില്ല. അത് ഞങ്ങളുടെ ആർട്ടിന് കിട്ടുന്ന അംഗീകാരമായാണ് ഞങ്ങൾ കാണുന്നത്.'ആദർശ് സുകുമാരനും പോൾസൺ സ്കറിയയും പറഞ്ഞു.

പാല, തീക്കോയ് പൊലുള്ള സ്ഥലങ്ങളിലുള്ള ഒട്ടുമിക്ക വീടുകളിലും കാണാൻ കഴിയുന്ന കാഴ്ച്ചയാണ് ഇത്. അവരുടെ തീൻമേശകളിൽ മദ്യക്കുപ്പി കാണാറുണ്ട്. മദ്യപിച്ച് മോശമാകണോ നല്ലതാകണോ എന്നത് ഓരോരുത്തരുടെയും ചോയിസ് അല്ലെ.. മാത്രമല്ല അതൊരു സീനിന്റെ ഭാഗം മാത്രമാണ്. അല്ലാതെ അങ്ങനെയൊരു സംഭവം പറയാൻ വേണ്ടി മനപൂർവം ഉണ്ടാക്കിയ സീനല്ല അത്. അതിനും ഒരുപാട് മുകളിലാണ് ജിയോ ബേബി പറഞ്ഞിട്ടുള്ള പൊളിറ്റിക്സ്.

'മദ്യം കുടിക്കുന്ന സീൻ കാണിച്ചുകൊണ്ട് സ്ത്രീ ബോൾഡാണ് എന്ന് സിനിമയിൽ കാണിക്കേണ്ട് ആവശ്യം ഞങ്ങൾക്കില്ല. ഞങ്ങൾ പറഞ്ഞിരിക്കുന്നത് ഞങ്ങളുടെ ചിന്തയിൽ നിന്നുണ്ടായ കാര്യങ്ങളാണ്. അത് ജിയോ ബേബി അംഗീകരിച്ചു. അദ്ദേഹത്തിന്റേതായുള്ള ഇൻപുട്ട് അദ്ദേഹം ഞങ്ങൾക്കും സംതൃപ്തിയാകുന്ന രീതിയിൽ തരാറുണ്ട്. മാത്രമല്ല, മമ്മൂക്ക ഒരഭിപ്രായം പറയുന്നത് ഞങ്ങൾക്കും കൂടി ഓകെയാണോ എന്ന് ചോദിച്ചാണ്. എന്താണ് ആ ഫാമിലിയുടെ ഘടന എന്ന് കാണിക്കാൻ വേണ്ടി മാത്രമാണ് ആ സീൻ ഉൾപ്പെടുത്തിയിരിക്കുന്നത്. ഇത്തരം കാര്യങ്ങളൊക്കെ പല കുടുംബങ്ങളിലും സംഭവിക്കുന്നുണ്ട്, പക്ഷെ സമ്മതിച്ച് തരാനുള്ള മടിയാണ്. പുരോഗമനം കാണിക്കാൻ വേണ്ടിയല്ല ആ സീൻ ചെയ്തത്,' ഇരുവരും കൂട്ടിച്ചേർത്തു.