Get the latest news at
your fingertips!
Download our app now
LIVE TV
Search
മോഹന്ലാലും ജീത്തു ജോസഫും വീണ്ടും ഒന്നിച്ചപ്പോള് പ്രതീക്ഷിച്ചതിന് അപ്പുറം ഒന്നും സംഭവിച്ചില്ല. നേര് എന്ന ചിത്രം വന്ഹിറ്റിലേക്ക് കുതിക്കുകയാണ്. ആദ്യ ഷോ കഴിഞ്ഞപ്പോള് ലഭിച്ച മികച്ച പ്രേക്ഷക പ്രതികരണം തിയേറ്ററുകളിലേക്കും ആളെ എത്തിച്ചു.
ഇന്നലെ രാത്രിയോടെ ഭൂരിഭാഗം തിയേറ്ററുകളിലും അഞ്ചാം ഷോയും ആരംഭിച്ചിരുന്നു. ചിത്രത്തിന്റെ ബോക്സ് ഓഫീസ് കളക്ഷനിലും വലിയ കുതിപ്പാണുണ്ടായത്.
മാത്യൂവിന് ശേഷം മോഹന്ലാല് വീണ്ടും മറ്റൊരു സൂപ്പര്സ്റ്റാറിനൊപ്പം; പ്രഭാസുമായി വരുന്നു 'കണ്ണപ്പ'ഇന്ത്യക്കകത്ത് നിന്നും പുറത്തുനിന്നുമായി ആദ്യ ദിവസം അഞ്ച് കോടി രൂപ നേടിയെന്നാണ് കണക്കാക്കപ്പെടുന്നത്. കേരളത്തില് നിന്ന് 2.75 കോടി രൂപയും മറ്റ് സംസ്ഥാനങ്ങളില് നിന്ന് കളക്ട് ചെയ്തതും അടക്കം ആകെ 3.05 കോടി രൂപ രാജ്യത്ത് നിന്നാകെ നേടിയെന്ന പ്രമുഖ ട്രേഡ് അനലിസ്റ്റുകളായ സാക്നില്ക്കിന്റെ റിപ്പോര്ട്ട് പറയുന്നു.
ജീത്തു പറഞ്ഞത് തെറ്റിയില്ല, 'നല്ല മോഹൻലാൽ പടം'; 'നേര്' പ്രേക്ഷക പ്രതികരണം'നേര് നല്ല മോഹൻലാൽ ചിത്രം, ബോക്സ് ഓഫീസിലെ വിധി പ്രവചിക്കാനാകില്ല'; ജീത്തു ജോസഫ്കൊച്ചിയില് 115 ഷോകളും തിരുവനന്തപുരത്ത് 117 ഷോകളുമാണ് ആദ്യ ദിവസം നടന്നത്. കോഴിക്കോട് 44 ഷോകളാണ് നടന്നത്. ബെംഗളൂരുവില് 40 ഷോകളും ചെന്നൈയില് 40 ഷോകളും നടന്നു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് നിര്മ്മാണം. പ്രിയാമണി, ജഗദീഷ്, അനശ്വര രാജന്, ഗണേശ് കുമാര് തുടങ്ങിയവരാണ് സിനിമയിലെ മറ്റ് താരങ്ങള്.
ഇത് ഹിറ്റുകളുടെ ലാൽ- ജീത്തു കൂട്ടുകെട്ട്
