Get the latest news at
your fingertips!
Download our app now
LIVE TV
Search
കലന്തൂര് എന്റര്ടൈന്മെന്റ്സിന്റെ ബാനറില് കലന്തൂര് നിര്മിച്ച് നാദിര്ഷാ സംവിധാനം ചെയ്യുന്ന ചിത്രത്തിന്റെ ടൈറ്റില് പോസ്റ്റര് പുറത്തിറങ്ങി. 'വണ്സ് അപോണ് എ ടൈം ഇന് കൊച്ചി' എന്ന് പേരിട്ടിരിക്കുന്ന ചിത്രത്തിലൂടെ സംവിധായകനും തിരക്കഥാകൃത്തുമായ റാഫിയുടെ മകന് മുബിന് റാഫി നായകനാവുന്നു.നാദിര്ഷാ - റാഫി കൂട്ടുകെട്ട് ഇത് ആദ്യമായാണ്. കോമഡി ത്രില്ലറായി ഒരുക്കുന്ന ചിത്രത്തില് അര്ജുന് അശോകനും ഷൈന് ടോം ചാക്കോയും മുഖ്യ വേഷത്തില് എത്തുന്നു. ദേവിക സഞ്ജയ് ആണ് നായിക. ഹിഷാം അബ്ദുല് വഹാബ് ആണ് ചിത്രത്തിന് സംഗീതം ഒരുക്കുന്നത്.
ഛായാഗ്രഹകന്-ഷാജി കുമാര്. എഡിറ്റര്-ഷമീര് മുഹമ്മദ്. പ്രോജക്ട് ഡിസൈനര്-സൈലക്സ് എബ്രഹാം, പ്രൊഡക്ഷന് ഡിസൈനിംഗ്-സന്തോഷ് രാമന്, മേക്കപ്പ്-റോണെക്സ് സേവ്യര്, കോസ്റ്റ്യൂം അരുണ് മനോഹര്, പ്രൊഡക്ഷന് കണ്ട്രോളര്-ശ്രീകുമാര് ചെന്നിത്തല, ചീഫ് അസോസിയേറ്റ് ഡയറക്ടര് ദീപക് നാരായണ്. പി ആര് ഓ മഞ്ജു ഗോപിനാഥ്, സ്റ്റില്സ് യൂനസ് കുണ്ടായ് ഡിസൈന്സ് മാക്ഗുഫിന്. ചിത്രം ഉടന് തന്നെ തിയേറ്ററുകളില് എത്തും.
