Get the latest news at
your fingertips!
Download our app now
LIVE TV
Search
തെന്നിന്ത്യയിലെ പ്രമുഖ പ്രൊഡക്ഷന് ഹൗസായ ലൈക്ക പ്രൊഡക്ഷന്സ്, തെന്നിന്ത്യയിലെ തന്നെ ശ്രദ്ധേയമായ നിര്മ്മാണ വിതരണ കമ്പനിയായ ശ്രീ ഗോകുലം മൂവീസുമായി പുതിയ ചിത്രത്തിന്റെ കേരള വിതരണത്തിനായി വീണ്ടും കൈകോര്ക്കുന്നു. ചെന്നൈയില് നടന്ന ലൈക്ക പ്രൊഡക്ഷന്സിന്റെ ഏറ്റവും പുതിയ ചിത്രമായ 'മിഷന് ചാപ്റ്റര് - 1'ന്റെ ലോഞ്ചിങ് വേളയിലാണ് ഇത് സംബന്ധിച്ച് ഔദ്യോഗിക പ്രഖ്യാപനം ഉണ്ടായത്.
തമിഴ്നാട്ടിലെ മാത്രമല്ല ഇന്ത്യയിലെ തന്നെ അറിയപ്പെടുന്ന നമ്പര് വണ് പ്രൊഡക്ഷന് ഹൗസുകളിലൊന്നാണ് ലൈക്ക പ്രൊഡക്ഷന്സ്. ബ്രഹ്മാണ്ഡ ചിത്രം 'പൊന്നിയിന് സെല്വന്'ന് ശേഷം രജനികാന്ത് നായകനായെത്തുന്ന രണ്ട് ചിത്രങ്ങളും കമല്ഹാസന് നായകനാവുന്ന 'ഇന്ത്യന് 2'ഉം, 'ഇന്ത്യന് 3'യും, അജിത്തിന്റെ 'വിടാ മുയര്ച്ചി' തുടങ്ങി എട്ടോളം ചിത്രങ്ങളാണ് ഇവരുടേതായ് റിലീസിന് തയ്യാറെടുക്കുന്നത്. മലയാളത്തില് മോഹന്ലാല് ചിത്രം 'എമ്പുരാന്'ന്റെ സഹനിര്മ്മാണവും ദിലീപിന്റെ 150-ാം ചിത്രം നിര്മ്മിക്കുന്നതും ലൈക്ക പ്രൊഡക്ഷന്സാണ്.
ലൈക്ക പ്രൊഡക്ഷന്സിന്റെ ഇന്ഡസ്ട്രിയല് ഹിറ്റായ പൊന്നിയന് സെല്വന് 1&2 ഉള്പ്പെടെ കഴിഞ്ഞ ആറ് ചിത്രങ്ങള് കേരളത്തില് വിതരണത്തിനെത്തിച്ചത് ശ്രീ ഗോകുലം മൂവീസാണ്. ഗോകുലം മൂവീസിന്റെ വിതരണ രംഗത്തുള്ള വ്യത്യസ്തമായ മാര്ക്കറ്റിംങ് രീതികളില് ലൈക്ക പ്രൊഡക്ഷന്സ് പൂര്ണ്ണ സംതൃപ്തരാണ്.
ഇന്ത്യയിലെ തന്നെ ഏറ്റവും വലിയ ചിട്ടി ഫണ്ട് നെറ്റ്വര്ക്കുകളിലൊന്നായ ശ്രീ ഗോകുലം ചിട്ടി ഫണ്ടിന്റെ എന്റര്ടെയ്ന്മെന്റ് ഡിവിഷനാണ് ശ്രീ ഗോകുലം മൂവീസ്. ചെന്നൈയില് ഇന്ന് നടന്ന മിഷന് ചിത്രത്തിന്റെ ലോഞ്ച് ഇവന്റ്റില് മുഖ്യാതിഥി ഗോകുലം മൂവീസിന്റെ പ്രൊപൈറ്റര് ശ്രീ ഗോകുലം ഗോപാലനായിരുന്നു.ഷാരൂഖ് ഖാന് കേന്ദ്ര കഥാപാത്രത്തെ അവതരിപ്പിച്ച 'ജവാന്' കേരളത്തിലും തമിഴ് നാട്ടിലും വിതരണത്തിനെത്തിച്ചത് ശ്രീ ഗോകുലം മൂവീസാണ്. വര്ഷങ്ങളായി തന്റെ ചിത്രങ്ങളുടെ പ്രൊമോഷന് പരിപാടികളില് പങ്കെടുക്കാതിരുന്ന ഷാരൂഖ് ഖാന് ചെന്നൈയില് ഗോകുലം ഗോപാലന്റെ ക്ഷണപ്രകാരം ശ്രീ ഗോകുലം മൂവീസ് ഒരുക്കിയ പ്രൊമോഷന് പരിപാടിയില് പങ്കെടുത്തിരുന്നു. 'ജവാന്'ന്റെ വിജയത്തിന് ശേഷം ഷാരൂഖ് ഖാന് മാസ്മരിക വേഷത്തിലെത്തുന്ന 'ഡങ്കി'യുടെ കേരള തമിഴ്നാട് വിതരണം ശ്രീ ഗോകുലം മൂവീസ് തന്നെയാണ് നിര്വ്വഹിച്ചത്.
'ഒരിക്കല് ശ്രീ ഗോകുലം മൂവീസുമായി ചേര്ന്ന് ബിസിനസ്സ് ചെയ്തു കഴിഞ്ഞാല് നിര്മ്മാതാക്കളും പ്രൊഡക്ഷന് കമ്പനികളും ഞങ്ങളില് നിന്ന് വിട്ട് പോവാറില്ല എന്നതാണ് സത്യം. അത്രമാത്രം ആത്മബന്ധവും വ്യക്തിബന്ധവും സൂക്ഷിക്കുന്ന ഒരു മാനേജ്മെന്റും കമ്പനിയുമാണ് ശ്രീ ഗോകുലം മൂവീസിനുള്ളത്. അതുതന്നെയാണ് ശ്രീ ഗോകുലം ഗോപാലന്റെ ദീര്ഘ വീക്ഷണവും.' ഗോകുലം മൂവീസിന്റെ എക്സിക്ക്യൂട്ടിവ് പ്രൊഡ്യൂസര് കൃഷ്ണമൂര്ത്തി പറഞ്ഞു.
അരുണ് വിജയിയെ നായകനാക്കി വിജയ് സംവിധാനം ചെയ്ത 'മിഷന് ചാപ്റ്റര്-1' പൊങ്കല് റിലീസ് ആയി ജനുവരി 12ന് പ്രദര്ശനത്തിനെത്തും. ആമി ജാക്സണും നിമിഷ സജയനുമാണ് നായികമാരായി എത്തുന്നത്. പിആര്ഒ: ശബരി.
