Get the latest news at
your fingertips!
Download our app now
LIVE TV
Search
ബാക്ക് ടു ആക്ഷൻ മൂഡിലേക്കെത്തിയിരിക്കുകയാണ് ടൊവിനോ തോമസ്. വമ്പൻ റിലീസുകളുണ്ടായിട്ടും ബോക്സ് ഓഫീസിൽ ഇടം നേടാൻ ശ്രമിച്ചിട്ടുണ്ട് ടൊവിനോയുടെ 'അന്വേഷിപ്പിൻ കണ്ടെത്തും'. 11 ദിവസം കൊണ്ട് സിനിമ ഏഴ് കോടിയാണ് കളക്ട് ചെയ്തത്. സാക്നിൽക്കിന്റെ കണക്ക് പ്രകാരം തിങ്കളാഴ്ച്ച മാത്രം 15 ലക്ഷം രൂപയാണ് ചിത്രം സ്വന്തമാക്കിയത്. ഇതോടെ 7.9 കോടിയായി ആകെയുള്ള കളക്ഷൻ.
സിനിമയുടെ ഓവർസീസ് കളക്ഷൻ മാത്രം 4.25കോടി രൂപയാണ്. ഫെബ്രുവരി ഒമ്പതിനാണ് അന്വേഷിപ്പിൻ കണ്ടെത്തും എന്ന ഇൻവെസ്റ്റിഗേഷൻ ത്രില്ലർ റിലീസിനെത്തിയത്. കേരളത്തിൽ സംഭവിച്ച രണ്ട് പ്രധാന കൊലപാതകങ്ങളെ അടിസ്ഥാനപ്പെടുത്തിയായിരുന്നു ചിത്രം. ഡാർവിൻ കുര്യാക്കോസിന്റെ സംവിധാത്തിലൊരുങ്ങിയ ചിത്രത്തിന് മികച്ച പ്രതികരണമാണ് തുടക്കം മുതൽ ലഭിച്ചുകൊണ്ടിരുന്നത്.
സിദ്ദിഖ്, ഇന്ദ്രൻസ്, രമ്യാ സുവി, ബാബുരാജ്, പ്രമോദ് വെളിയനാട്, വിനീത് തട്ടിൽ എന്നിവർ പ്രധാന കഥാപാത്രങ്ങളാകുമ്പോള് പുതുമുഖങ്ങളാണ് നായികമാര്. തമിഴില് ശ്രദ്ധയാകര്ഷിച്ച സന്തോഷ് നാരായണനാണ് സംഗീതം നിര്വഹിക്കുന്നത്. ഛായാഗ്രാഹണം നിര്വഹിക്കുന്നത് ഗൗതം ശങ്കറാണ്.
