Get the latest news at
your fingertips!
Download our app now
LIVE TV
Search
ടൈറ്റിൽ പോസ്റ്റർ ഇറങ്ങിയതിന് പിന്നാലെ പ്രേക്ഷകർ ആവേശത്തോടെ കാത്തിരിക്കുന്ന ചിത്രം 'ബസൂക്ക'യുടെ ഇനിയുള്ള സീനുകൾ റോബി വർഗീസ് രാജ് കൈകാര്യം ചെയ്യും. നിലവിൽ ക്യാമറ ചെയ്തിരുന്ന നിമിഷ് രവി ഇപ്പോൾ ഹൈദരാബാദിൽ ദുൽഖർ ചിത്രമായ ലക്കി ഭാസ്കറിന്റെ ജോലി തിരക്കിലാണ്. ഈ ഒരു സാഹചര്യത്തിലാണ് റോബി ചിത്രത്തിലേക്ക് എത്തുന്നത്.
കലൂര് ഡെന്നിസിന്റെ മകന് ഡിനോ ഡെന്നിസ് ആദ്യമായി സംവിധാനം ചെയ്യുന്ന ചിത്രം ഈ വര്ഷം മാര്ച്ച് ഒന്നിന് റിലീസ് ചെയ്യുമെന്നായിരുന്നു റിപ്പോര്ട്ട്. 'കാപ്പ'യ്ക്ക് ശേഷം സരിഗമയും തിയേറ്റര് ഓഫ് ഡ്രീംസും ചേര്ന്നൊരുക്കുന്ന സിനിമയാണ് ബസൂക്ക. തെന്നിന്ത്യയിലെ സൂപ്പര് സംവിധായകന് ഗൗതം മേനോനും സിനിമയില് പ്രധാന താരമാണ്.
ആദ്യത്തെ കൺമണിക്കായ് കാത്ത് ദീപികയും രൺവീറും: റിപ്പോർട്ട്അതേസമയം, മമ്മൂട്ടിയുടെ ഏറ്റവും പുതിയ ചിത്രം ഭ്രമയുഗം തിയേറ്ററുകളിൽ നിറഞ്ഞ സദസിൽ പ്രദർശനം തുടരുകയാണ്. ബോക്സ് ഓഫീസിലും ഒരു വലിയ ചലനം സൃഷ്ടിച്ചുകൊണ്ടാണ് സിനിമയുടെ യാത്ര. ഇന്ത്യയ്ക്ക് പുറത്തും ഭ്രമയുഗത്തിന് മികച്ച പ്രതികരണമാണ് ലഭിക്കുന്നത്. 'ഭൂതകാല'ത്തിന് ശേഷം രാഹുല് സദാശിവന് സംവിധാനം ചെയ്യുന്ന ഹൊറര് ത്രില്ലര് ചിത്രമാണ് ഭ്രമയുഗം. ചിത്രത്തില് പ്രതിനായക വേഷമാണ് മമ്മൂട്ടിക്ക്. അര്ജുന് അശോകനാണ് ചിത്രത്തില് നായക വേഷം കൈകാര്യം ചെയ്യുന്നത്.
