Get the latest news at
your fingertips!
Download our app now
LIVE TV
Search
മലയാളത്തിലെ സർപ്രൈസ് സൂപ്പർ ഹിറ്റ് ചിത്രമാണ് പ്രേമലു. പ്രേമലുവിന് ശേഷം നിരവധി വമ്പർമാരുടെ ചിത്രങ്ങൾ മല്ലിടാൻ തിയേറ്ററുകളിൽ എത്തിയിട്ടും അതൊന്നും ചിത്രത്തെ ബാധിച്ചില്ല എന്നതും ശ്രദ്ധേയമാണ്. സിനിമയുടെ തെലുങ്ക് ഡബ്ബിംഗ് അവകാശം പ്രശസ്ത സംവിധായകൻ എസ് എസ് രാജമൗലിയുടെ മകൻ എസ് എസ് കാർത്തികേയ സ്വന്തമാക്കിയത് വാർത്തകളിൽ ഇടം നേടിയിരുന്നു. ഇപ്പോഴിതാ പ്രേമലുവിന്റെ തെലുങ്ക് അനൗൺസ്മെന്റ് പുറത്തുവിട്ടിരിക്കുകയാണ് അണിയറപ്രവർത്തകർ.
ബാഹുബലി തീമിൽ വളരെ രസകരമായ വീഡിയോയാണ് അണിയറപ്രവർത്തകർ പുറത്തുവിട്ടിരിക്കുന്നത്. ഒപ്പം സിനിമയുടെ തെലുങ്ക് വേർഷൻ മാർച്ചിൽ റിലീസ് ചെയ്യുമെന്നും അണിയറപ്രവർത്തകർ അറിയിച്ചു.
Attention, Telugu cinema lovers ! PREMALU speaks TELUGU, thanks to SS KARTHIKEYA and SHOWING BUSINESS. Telugu Version Arriving in theaters this March. Let's dive into love!
— Bhavana Studios (@BhavanaStudios) February 28, 2024
లెట్స్ ప్రేమలు!" 💞 #PremaluTelugu #LetsPremalu #PremaluMovie pic.twitter.com/ejisdU96CB
ചെറിയ ബജറ്റിൽ ഒരുക്കിയ ചിത്രമാണ് പ്രേമലു. പക്ഷേ എല്ലാത്തരം പ്രേക്ഷകരും സിനിമയെ സ്വീകരിച്ചു. തമാശ കൊണ്ട് നിറഞ്ഞ സിനിമ പ്രണയത്തിനും പ്രാധാന്യം നൽകുന്നു. സിനിമ ആഗോളതലത്തിൽ 70 കോടിയ്ക്ക് മുകളിൽ കളക്ട് ചെയ്തു കഴിഞ്ഞു. ലോകമെമ്പാടുമുള്ള 700 തിയറ്ററുകളിൽ ചിത്രം പ്രദർശിപ്പിച്ചിരുന്നു. ഇങ്ങനെ പോയാല് പ്രേമലു ആഗോള ബോക്സ് ഓഫീസിൽ 100 കോടി ക്ലബില് വൈകാതെ എത്തുമെന്ന് പ്രമുഖ ട്രേഡ് അനലിസ്റ്റുകള് അഭിപ്രായപ്പെടുന്നു.
'പ്രേമലു 70 കോടിലു' ഫെബ്രുവരി റിലീസുകളിൽ റെക്കോർഡ് കളക്ഷനുമായി പ്രേമലുഗിരീഷ് എ ഡിയുടെ സംവിധാനത്തിൽ എത്തിയ സിനിമയിൽ നസ്ലെനും മമിമതയുമാണ് നായകനും നായികയുമായെത്തുന്നത്. ശ്യാം മോഹൻ, അഖില ഭാർഗവൻ, സംഗീത് പ്രതാപ്, മീനാക്ഷി രവീന്ദ്രൻ എന്നിവരും പ്രേമലുവില് പ്രധാന വേഷത്തില് എത്തി.
