കുവൈറ്റിൽ 'ആവേശം' അൽപ്പം കുറയും; പ്രവാസി പ്രേക്ഷകരോട് സംവിധായകൻ

രോമാഞ്ചത്തിന്റെ വിജയത്തിന് ശേഷം ജിത്തു മാധവൻ സംവിധാനം ചെയ്യുന്ന പുതിയ ചിത്രം ആവേശം നാളെ റിലീസ് ചെയ്യുകയാണ്. ഫഹദ് ഫാസിൽ നായകനാകുന്ന സിനിമയുടെ മേൽ സിനിമാപ്രേമികൾ വലിയ പ്രതീക്ഷയാണ് വെച്ചിരിക്കുന്നത്. ഈ വേളയിൽ കുവൈറ്റിലെ ആവേശത്തിന്റെ സെന്സറിംഗ് സംബന്ധിച്ച വിവരം പങ്കുവെച്ചിരിക്കുകയാണ് ജിത്തു.

കുവൈറ്റിലെ സെൻസർ ബോർഡിന്റെ നിർദേശപ്രകാരം സിനിമയുടെ രണ്ടാം പകുതിയിലെ ഒരു രംഗം കളയേണ്ടി വന്നിട്ടുണ്ടെന്നും അത് സിനിമയുടെ ആസ്വാദനത്തെ ബാധിക്കില്ലെന്നും ജിത്തു പറയുന്നു. 'കുവൈറ്റില് ആവേശം കാണുന്ന സുഹൃത്തുക്കളോട്...കുവൈറ്റിലെ സെന്സര്ബോര്ഡ് നിര്ദേശപ്രകാരം സിനിമയുടെ സെക്കന്റ് ഹാഫിലെ ഒരു സീന് കട്ട് ചെയ്തു കളയേണ്ടി വന്നിട്ടുണ്ട്. അതുകൊണ്ട് ചെറിയൊരു കണ്ഫ്യൂഷന് ഇടക്ക് ഉണ്ടാവാന് സാധ്യതയുണ്ട്. എങ്കിലും പൂര്ണമായും ആസ്വാദനത്തെ ബാധിക്കില്ല എന്ന് പ്രതീക്ഷിക്കുന്നു.. എല്ലാവരും 11 ആം തിയതി, തിയേറ്ററില് തന്നെ വന്നു കാണുമെന്ന് വിശ്വസിക്കുന്നു', എന്നാണ് ജിത്തു കുറിച്ചത്.

https://www.facebook.com/permalink.php?story_fbid=pfbid02Rcpd2ZXTKMapPF8M3GtksAB1cZorap7GrY5ejWcVAt3UFyTFnfudykqEEAYhGRGDl&id=100074496246834മമ്മൂട്ടി വീണ്ടും ഒരു നവാഗത സംവിധായികയ്ക്ക് കൈ കൊടുക്കുന്നു; സംവിധായക തൊപ്പി അണിയാൻ പ്രമുഖ നടി

കോളേജ് പിള്ളേരുടെയും അവരെ സഹായിക്കാനെത്തുന്ന ഗുണ്ടയുടെയും കഥ പറയുന്ന ചിത്രം റിയല് ലൈഫ് സംഭവങ്ങളില് നിന്ന് പ്രചോദനം ഉള്ക്കൊണ്ടാണ് ഒരുക്കിയിരിക്കുന്നത്. അന്വര് റഷീദ് എന്റര്ടൈന്മെന്റ്സിന്റെ ബാനറില് അന്വര് റഷീദും ഫഹദ് ഫാസില് ആന്ഡ് ഫ്രണ്ട്സിന്റെ ബാനറില് നസ്രിയ നസീമും ചേര്ന്നാണ് ആവേശം നിര്മിക്കുന്നത്.

എടാ മോനെ, ഫഹദിനെ അഴിച്ചുവിട്ടിരിക്കുവാ; വെൽകം ടീസർ ഫുൾ ആവേശം തന്നെ, അപ്പോ നാളെ കാണാം

ഫഹദിന് പുറമെ മന്സൂര് അലി ഖാന്, ആശിഷ് വിദ്യാര്ത്ഥി, സജിന് ഗോപു, പ്രമുഖ മലയാളി ഗെയിമറും യൂട്യൂബറുമായ ഹിപ്സ്റ്റര്, മിഥുന് ജെഎസ്, റോഷന് ഷാനവാസ്, പൂജ മോഹന്രാജ്, നീരജ രാജേന്ദ്രന്, ശ്രീജിത്ത് നായര്, തങ്കം മോഹന് തുടങ്ങി നിരവധി പേര് ചിത്രത്തില് എത്തുന്നുണ്ട്. സമീര് താഹിര് ആണ് ചിത്രത്തിന്റെ ഛായാഗ്രഹണം. രോമാഞ്ചത്തിലെ ഹിറ്റ് കൂട്ടുകെട്ട് ആവര്ത്തിച്ചുകൊണ്ട് വിനായക് ശശികുമാറിന്റെ വരികള്ക്ക് സുഷിന് ശ്യാമാണ് സംഗീതം പകര്ന്നിരിക്കുന്നത്.