Get the latest news at
your fingertips!
Download our app now
LIVE TV
Search
രോമാഞ്ചത്തിനും മഞ്ഞുമ്മൽ ബോയ്സിനും ശേഷം പ്രേക്ഷകർ കാത്തിരിക്കുന്ന സുഷിൻ ശ്യാമിന്റെ മറ്റൊരു പ്രവചനം കൂടി ശ്രദ്ധേയമാവുകയാണ്. സുഷിൻ തമാശ രീതിയിൽ സിനിമയെ കുറിച്ച് പ്രവചിക്കുന്നത് അതേപോലെ നടക്കാറുണ്ട്. അതുകൊണ്ടു തന്നെ പുതിയ ചിത്രമായ 'ആവേശം' എന്താകും എന്നറിയാൻ കാത്തിരുന്ന പ്രേക്ഷകരോട് തന്നെ സുഷിൻ അക്കാര്യം പറഞ്ഞിരിക്കുകയാണ്.
ആവേശം തിയേറ്ററിൽ ആവേശം കൊള്ളിക്കുമോ എന്നായിരുന്നു സിനിമയുടെ പ്രൊമോഷന്റെ ഭാഗമായി എത്തിയ മാധ്യമ പ്രവർത്തകർ സുഷിനോട് ചോദിച്ചത്, അതിന് താരത്തിന്റെ മറുപടി ഇങ്ങനെ, 'തിയേറ്ററിൽ ആവേശം കൊള്ളിക്കണമല്ലോ, അതുകൊണ്ടാണ് ഇങ്ങനെയൊരു പേര്. കഴിഞ്ഞ തവണ രോമാഞ്ചത്തിന്റെ കാര്യവും ഇതു തന്നെയാണ് പറഞ്ഞത്. രോമാഞ്ചം കൊള്ളിക്കുമോ എന്നാണ് അന്ന് നിങ്ങൾ ചോദിച്ചത്. ആ സമയത്ത് എനിക്കൊരു ആകാംക്ഷയുണ്ടായിരുന്നു. രോമാഞ്ചം കൊള്ളിക്കും എന്ന് എനിക്ക് തോന്നിയിരുന്നു. ആവേശം ഒരു മുഴുനീള എന്റർടെയ്നറാണ്. അതിൽ ഇഷ്ടപ്പെടാത്തതായി ഒന്നും ഉണ്ടാകില്ല, ആവേശമേ ഉണ്ടാകൂ'.
സുഷിൻ സംഗീത സംവിധാനം ചെയ്ത 'മഞ്ഞുമ്മൽ ബോയ്സി'ന്റെ റിലീസിന് മുൻപ് അദ്ദേഹം ഒരഭിമുഖത്തിൽ പറഞ്ഞത് മഞ്ഞുമ്മൽ സീൻ മാറ്റുമെന്നായിരുന്നു. തുടർന്ന് സിനിമ ബ്ലോക്ക് ബസ്റ്റർ ഹിറ്റിലെത്തിയപ്പോൾ പ്രേക്ഷകർ ഒന്നടങ്കം പറഞ്ഞത് സുഷിൻ പറഞ്ഞതുപോലെ സംഭവിച്ചു എന്നാണ്. അതേ കുറിച്ച് സുഷിൻ പറഞ്ഞത്, 'മഞ്ഞുമ്മൽ സീൻ മാറുമെന്ന് ഞാൻ കരുതിക്കൂട്ടി പറഞ്ഞതൊന്നുമല്ല, വെറുതെ തള്ളിയതാണ്. അങ്ങനെ തന്നെയാവട്ടെ ആവേശവും', എന്നാണ്.
ഞാൻ രോഹിത് ശർമയുടെ ഫാൻ, ഇതൊക്കെ പഠിച്ചത് അദ്ദേഹത്തില് നിന്ന്: പൃഥ്വിരാജ്നാളെയാണ് ജിത്തു മാധവന്റെ സംവിധാനത്തിലൊരുങ്ങുന്ന ആവേശം റിലീസിനെത്തുന്നത്. ഫഹദ് ഫാസിൽ പ്രധാന വേഷത്തിലെത്തുന്ന ചിത്രം അന്വര് റഷീദ് എന്റര്ടൈന്മെന്റ്സിന്റെ ബാനറില് അന്വര് റഷീദും ഫഹദ് ഫാസില് ആന്ഡ് ഫ്രണ്ട്സിന്റെ ബാനറില് നസ്രിയ നസീമും ചേര്ന്നാണ് നിര്മ്മിക്കുന്നത്. കോളേജ് പിള്ളേരുടെയും അവരെ സഹായിക്കാനെത്തുന്ന ഗുണ്ടയുടെയും കഥ പറയുന്ന ചിത്രം റിയല് ലൈഫ് സംഭവങ്ങളില് നിന്ന് പ്രചോദനം ഉള്ക്കൊണ്ടാണ് ഒരുക്കിയിരിക്കുന്നത്.
