Get the latest news at
your fingertips!
Download our app now
LIVE TV
Search
മലയാളത്തിന്റെ പ്രിയ സംവിധായകന് മേജര് രവി ഏഴ് വർഷത്തെ ഇടവേളയ്ക്കുശേഷം വീണ്ടും സംവിധാന രംഗത്തേക്ക്. 'ഓപ്പറേഷന് റാഹത്ത്' എന്ന ചിത്രത്തിലൂടെയാണ് മേജര് രവി വീണ്ടും സംവിധായകന്റെ കസേരയിലിരിക്കാന് പോകുന്നത്. കൃഷ്ണകുമാര് കെ തിരക്കഥ ഒരുക്കുന്ന ചിത്രം നിര്മ്മിക്കുന്നത് പ്രസിഡന്ഷ്യല് മൂവീസ് ഇന്റര്നാഷണലിന്റെ ബാനറില് ആഷ്ലിന് മേരി ജോയ് ആണ്.
പ്രശസ്ത തെന്നിന്ത്യന് നടന് ശരത് കുമാറാണ് ചിത്രത്തില് നായക വേഷത്തിലെത്തുന്നത്. സൈനിക സേനയുമായി ബന്ധപ്പെട്ട ചിത്രം തന്നെയായിരിക്കും ഓപ്പറേഷന് റാഹത്ത് എന്ന സൂചനയാണ് പോസ്റ്റര് നല്കുന്നത്. ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായാണ് ചിത്രം പുറത്തിറങ്ങുക.
അര്ജുന് രവി ഛായാഗ്രഹണം നിര്വഹിക്കുന്ന ചിത്രത്തിന്റെ എഡിറ്റര് ഡോണ് മാക്സ് ആണ്. സംഗീതം: രഞ്ജിന് രാജ്, ചീഫ് എക്സിക്യൂട്ടീവ്: ബെന്നി തോമസ്, വസ്ത്രാലങ്കാരം: വി സായ് ബാബു, കലാസംവിധാനം: ഗോകുല് ദാസ്, മേക്കപ്പ്: റോണക്സ് സേവ്യര്, പ്രൊഡക്ഷന് കണ്ട്രോളര്: പ്രവീണ് ബി മേനോന്, ഫിനാന്സ് കണ്ട്രോളര്: അഗ്രാഹ് പി, കാസ്റ്റിംഗ് ഡയറക്ടര്: രതീഷ് കടകം, പിആര്ഒ: എ എസ് ദിനേശ്, ആതിര ദില്ജിത്ത്, ഡിജിറ്റല് മാര്ക്കറ്റിംഗ്: അനൂപ് സുന്ദരന്, പബ്ലിസിറ്റി ഡിസൈന്: സുഭാഷ് മൂണ്മാമ.
