Get the latest news at
your fingertips!
Download our app now
LIVE TV
Search
കമൽഹാസൻ-ശങ്കർ ടീമിന്റെ ഇന്ത്യൻ 2 റിലീസിന് ഒരുങ്ങുമ്പോൾ ഏറ്റവും അധികം ചർച്ച ചെയ്യപ്പെടുന്ന കാര്യങ്ങളിൽ ഒന്നാണ് ബോളിവുഡ് താരം മനീഷ കൊയ്രാള സിനിമയുടെ ഭാഗമാകുമോ എന്നത്. സിനിമയുടെ ആദ്യഭാഗമായ ഇന്ത്യനിൽ നായിക കഥാപാത്രത്തെ അവതരിപ്പിച്ചത് മനീഷ കൊയ്രാളയായിരുന്നു. അതിനിടയിൽ കമൽഹാസനൊപ്പമുള്ള ചിത്രവുമായെത്തിയിരിക്കുകയാണ് മനീഷ് കൊയ്രാള ഇപ്പോൾ.
'ഞാൻ വർക്ക് ചെയ്തതിൽ ഏറ്റവും അത്യുജ്ജ്വലമായ വ്യക്തികളിൽ ഒരാൾ... പുസ്തകങ്ങൾ, സിനിമ, ഫാഷൻ തുടങ്ങിയ കാര്യങ്ങളിലെ അദ്ദേഹത്തിന്റെ അറിവ് അസാധാരണമാണ്' എന്ന് മനീഷ കൊയ്രാള പറയുന്നു. മണിക്കൂറുകളോളം കമൽഹാസനയുമായി സംസാരിക്കുകയും അദ്ദേഹം പറയുന്ന കാര്യങ്ങൾ കേട്ടുകൊണ്ടിരിക്കുകയും ചെയ്യാം. ഓരോ തവണ കാണുമ്പോഴും അദ്ദേഹം തന്നെ വിസ്മയിപ്പിക്കുമെന്ന് മനീഷ കൊയ്രാള പറയുന്നു.
സുരാജിന് ഇത് 'എക്സ്ട്രാ ഡീസന്റ്' പിറന്നാൾ; പുതിയ പോസ്റ്റർ പുറത്ത്
1996-ലെ ബോക്സ് ഓഫീസ് റെക്കോർഡുകൾ തകർത്ത ചിത്രമായിരുന്നു ഇന്ത്യൻ. സിനിമയിൽ കമൽഹാസന്റെ ചന്ദ്രു എന്ന കഥാപാത്രത്തിന്റെ ജോഡിയായ ഐശ്വര്യ എന്ന കഥാപാത്രത്തെയാണ് മനീഷ കൊയ്രാള അവതരിപ്പിച്ചത്. മനീഷയ്ക്ക് പുറമെ ഊര്മിള മണ്ഡോദ്കർ, സുകന്യ എന്നിവരായിരുന്നു സിനിയമയിലെ മറ്റു നായികമാർ.
അതേസമയം ഇന്ത്യൻ 2 ജൂലൈ 12 ന് റിലീസ് ചെയ്യുകയാണ്. ഇന്ത്യനിൽ എ ആർ റഹ്മാൻ സംഗീതം നിർവ്വഹിച്ചപ്പോൾ അനിരുദ്ധ് രവിചന്ദർ ആണ് രണ്ടാം ഭാഗത്തിന് സംഗീതമൊരുക്കുന്നത്. സിദ്ധാർത്ഥ്, രാകുൽ പ്രീത് സിങ്, പ്രിയ ഭവാനി ശങ്കർ, കാളിദാസ് ജയറാം, ബോബി സിംഹ, ഗുരു സോമസുന്ദരം, മനോബാല, വെണ്ണെല കിഷോർ, ദീപ ശങ്കർ തുടങ്ങിയവർ ഇന്ത്യൻ 2ൽ അഭിനേതാക്കളാണ്. ലൈക്ക പ്രൊഡക്ഷൻസും റെഡ് ജെയ്ന്റ് മൂവീസും ചേന്നാണ് നിർമ്മാണം.
