Get the latest news at
your fingertips!
Download our app now
LIVE TV
Search
പാട്ട് കൊണ്ടും ബാക്ക്ഗ്രൗണ്ട് സ്കോർ കൊണ്ടും വിദ്യസാഗർ മാജിക് തീർത്ത ചിത്രം ദേവദൂതൻ റീ റിലീസിന് ഒരുങ്ങുകയാണ്. ചിത്രത്തിന്റെ ട്രെയിലറിന് പിന്നാലെ കൂടുതൽ ദൃശ്യമികവോടെ 'പൂവേ പൂവേ പാലപ്പൂവേ' എന്ന ഗാനം പുറത്തുവിട്ടിരിക്കുകയാണ് അണിയറപ്രവർത്തകർ. വിദ്യാസാഗർ ഈണമിട്ട ഗാനം പി ജയചന്ദ്രനും കെ എസ് ചിത്രയും ചേർന്നാണ് ആലപിച്ചിരിക്കുന്നത്. ജൂലൈ 26 ന് ചിത്രം തിയറ്ററുകളില് എത്തും.
ഒരു കാലത്ത് ബോക്സ് ഓഫീസിൽ പരാജയപ്പെട്ട, അണ്ടർ റേറ്റഡ് വിഭാഗത്തിലേക്ക് നീക്കപ്പെട്ട ചിത്രത്തിനായി ഇന്ന് കാത്തിരിക്കുന്നത് നിരവധി പേരാണ്. 24 വർഷങ്ങൾക്ക് ശേഷം ദേവദൂതൻ വീണ്ടും എത്തുമ്പോൾ റീമാസ്റ്റേർഡ് 4 കെ അറ്റ്മോസ് പതിപ്പാണ് തയ്യാറാകുന്നത്. നേരത്തെ സിനിമയുടെ പുതിയ പതിപ്പിന്റെ പണിപ്പുരയിലിരിക്കുന്ന ചിത്രം സിബി മലയിൽ പങ്കുവെച്ചിരുന്നു.
അർബുദമാണെന്ന വിവരം അമ്മയോട് പറഞ്ഞപ്പോൾ, ലോകം തകരുകയായിരുന്നിട്ടും എന്നെ ചേർത്തുപിടിച്ചു; ഹിനാ ഖാൻ2000ത്തിൽ റിലീസ് ചെയ്ത മിസ്റ്ററി ത്രില്ലർ ചിത്രമാണ് ദേവദൂതൻ. രഘുനാഥ് പലേരിയുടെ തിരക്കഥയിൽ ഒരുങ്ങിയ സിനിമയിൽ വിശാൽ കൃഷ്ണമൂർത്തി എന്ന കഥാപാത്രത്തെയാണ് മോഹൻലാൽ അവതരിപ്പിച്ചത്. ജയപ്രദ, വിനീത് കുമാർ, മുരളി, ജഗതി ശ്രീകുമാർ, ജഗദീഷ് തുടങ്ങിയവരാണ് സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്. വിദ്യാസാഗർ സംഗീതമൊരുക്കിയ സിനിമയിലെ ഗാനങ്ങൾക്കെല്ലാം ഇന്നും വലിയ പ്രേക്ഷക സ്വീകാര്യതയുണ്ട്. കോക്കേഴ്സ് ഫിലിംസിൻ്റെ ബാനറിൽ സിയാദ് കോക്കറാണ് ചിത്രത്തിൻ്റെ നിർമ്മാണം.
