Get the latest news at
your fingertips!
Download our app now
LIVE TV
Search
മലയാളത്തിന്റെ പ്രിയ എഴുത്തുകാരനും തിരക്കഥാകൃത്തുമായ എംടി വാസുദേവന് നായര്ക്ക് ജന്മദിനാശംസകളേകി മോഹന്ലാല്. സോഷ്യല് മീഡിയയില് ഇരുവരുമൊന്നിച്ചുള്ള ചിത്രം പങ്കുവെച്ചുകൊണ്ടാണ് താരം ആശംസകള് അറിയിച്ചത്. ബഹുമാനപ്പെട്ട എം.ടി സാറിന് സ്നേഹത്തോടെ, പ്രാർഥനയോടെ ഹൃദയം നിറഞ്ഞ ജന്മദിനാശംസകൾ, എന്നാണ് താരം കുറിച്ചത്.
മലായള സിനിമ- സാഹിത്യ- സാംസ്കാരിക മേഖലകളിലുള്ള നിരവധി പേരാണ് എംടിയക്ക് 91-ാം പിറന്നാള് ആശംസിച്ചത്. അതേസമയം, എംടിയുടെ തിരക്കഥയിൽ മലയാള സിനിമയിലെ മുൻനിര സംവിധായകർ ഒരുക്കുന്ന ഒൻപത് ചിത്രങ്ങളുടെ സമാഹാരം പ്രേക്ഷകരിലേക്ക് എത്തുകയാണ്. മനോരഥങ്ങൾ എന്ന് പേരിട്ടിരിക്കുന്ന ആന്തോളജിയുടെ ട്രെയ്ലര് ഇന്ന് വൈകുന്നേരം ഔദ്യോഗികമായി പുറത്ത് വിടും.
മമ്മൂട്ടി മോഹൻലാൽ ഉൾപ്പെടെയുള്ളവർ അഭിനയിച്ച ചിത്രങ്ങൾ സീ 5 ഒടിടി പ്ലാറ്റ്ഫോമിലൂടെ ഓണം റിലീസായാണ് എത്തുക. പ്രിയദർശൻ ഒരുക്കിയ ‘ഓളവും തീരവും’ എന്ന സിനിമയിൽ മോഹൻലാലാണ് നായക വേഷത്തിലെത്തിയിരിക്കുന്നത്. ‘ശിലാലിഖിത'വും പ്രിയദർശനാണ് ഒരുക്കിയിരിക്കുന്നത്. ബിജുമേനോനാണ് ചിത്രത്തിൽ പ്രധാന വേഷത്തിലെത്തിയിരിക്കുന്നത്. എം ടിയുടെ ആത്മകഥാംശങ്ങളുള്ള ‘കഡുഗണ്ണാവ ഒരു യാത്രാക്കുറിപ്പ്’ മമ്മൂട്ടിയെ നായകനാക്കി രഞ്ജിത് ആണ് സംവിധാനം ചെയ്തത്.
ഭാഷയെ ചലച്ചിത്രായുധമാക്കിയ എം ടി'ഷെർലക്ക്' എന്ന ചെറുകഥ സിനിമയാക്കിയതിന് പിന്നിൽ മഹേഷ് നാരായണൻ-ഫഹദ് ഫാസിൽ കൂട്ടുകെട്ടാണ്. സിദ്ദിഖ് മുഖ്യവേഷത്തിലെത്തുന്ന 'അഭയം തേടി വീണ്ടും’ സന്തോഷ് ശിവനും, നെടുമുടി വേണു, സുരഭി, ഇന്ദ്രൻസ് എന്നിവരഭിനയിച്ച ‘സ്വർഗം തുറക്കുന്ന സമയം’ ജയരാജും സംവിധാനം ചെയ്തു.
'എം ടി സാറിന് ജന്മദിനാശംസകൾ': ഏറ്റവും പുതിയ ചിത്രം പങ്കുവച്ച് മമ്മൂട്ടിപാർവതി തിരുവോത്ത് അഭിനയിച്ച ‘കാഴ്ച’യുടെ സംവിധായകൻ ശ്യാമപ്രസാദ് ആണ്. 'കടൽക്കാറ്റ്' എന്ന സിനിമ രതീഷ് അമ്പാട്ട് ഇന്ദ്രജിത്തിനെയും അപർണബാലമുരളിയെയും പ്രധാനകഥാപാത്രങ്ങളായി ഒരുക്കി. ഇവർക്കൊപ്പം എംടിയുടെ മകൾ അശ്വതിയും സംവിധായികയായി അരങ്ങേറ്റം കുറിക്കുന്നു. 'വില്പന' എന്ന സിനിമയാണ് അശ്വതി സംവിധാനം ചെയ്തത്. ആസിഫ് അലിയും മധുബാലയുമാണ് പ്രധാനവേഷങ്ങളിൽ എത്തുന്നത്.
ആഷിക് ഉസ്മാൻ പ്രൊഡക്ഷൻസിന്റെ ബ്രോമാൻസ്; ചിത്രീകരണം ആരംഭിച്ചു
