LIVE TV
'നാഷണൽ ക്രഷ്' എന്നറിയപ്പെടുന്ന താരമാണ് രശ്മിക മന്ദാന. കഴിഞ്ഞ ദിവസം കരുനാഗപ്പള്ളിയിൽ ഒരു ഉദ്ഘാടനത്തിനെത്തിയ രശ്മികയുടെ ചിത്രങ്ങളും വീഡിയോകളും സമൂഹമാധ്യമങ്ങളിൽ വൈറലാവുകയാണ്. വെഡ്സ്ഇന്ത്യ ഷോപ്പിംഗ് മാളിന്റെ ഉദ്ഘാടനത്തിന് എത്തിയ താരത്തെ കാണാൻ തടിച്ചു കൂടിയ ജനത്തിരക്കിൽ അമ്പരന്നിരിക്കുകയാണ് രശ്മിക. കേരളത്തിനോടുള്ള സ്നേഹവും ആദരവും രശ്മിക ഔദ്യോഗിക ഇൻസ്റ്റാഗ്രാം അക്കൗണ്ടിലൂടെ അറിയിച്ചിട്ടുണ്ട്.
'ജൂലൈ 25 ന് ഞാൻ കേരളത്തിലെ കരുനാഗപ്പള്ളിയിൽ ഒരു ഉദ്ഘാടനത്തിന് എത്തിയിരുന്നു, എല്ലാം വളരെ നന്നായി സംഘടിപ്പിച്ചു. കേരളത്തിൽ നിന്ന് ഇത്രയും സ്നേഹം പ്രതീക്ഷിച്ചിരുന്നില്ല, എനിക്ക് കിട്ടിയ സ്നേഹത്തിൽ ഞാൻ വളരെ ആശ്ചര്യപ്പെട്ടു. ഹൃദയം നിറഞ്ഞു. ഇത്രയും സ്നേഹം ലഭിക്കാൻ എന്താണ് ചെയ്തതെന്ന് എനിക്കറിയില്ല, പക്ഷേ ഞാൻ അനുഗ്രഹീതയാണെന്ന് തോന്നുന്നു... നന്ദി...', എന്നാണ് രശ്മിക ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്.
ഗീത ഗോവിന്ദം, സുൽത്താൻ, പുഷ്പാ, സീതാ രാമം, വാരിസ്, ആനിമൽ എന്നീ സൂപ്പർഹിറ്റ് ചിത്രങ്ങൾ കേരളത്തിലും രശ്മികയ്ക്ക് വലിയൊരു ആരാധകവൃന്ദത്തെ സമ്മാനിച്ചിട്ടുണ്ട്. അല്ലു അർജുൻ്റെ ബ്ലോക്ക്ബസ്റ്റർ ചിത്രം പുഷ്പയുടെ തുടർച്ചയായ പുഷ്പ: ദി റൂൾ, സിക്കന്ദർ, റെയിൻ ബോ, ദി ഗേൾ ഫ്രണ്ട് എന്നിവയാണ് രശ്മികയുടെ റിലീസിനൊരുങ്ങുന്ന മറ്റു ചിത്രങ്ങൾ.
