Get the latest news at
your fingertips!
Download our app now
LIVE TV
Search
രാഘവ് ലോറൻസ് ഒരുക്കുന്ന കാഞ്ചന 4 ൽ തെന്നിന്ത്യൻ നായിക പൂജ ഹെഗ്‌ഡെയും ഭാഗമാകുമെന്ന് റിപ്പോർട്ട്. രാഘവ് ലോറൻസ് പൂജയോട് കഥ പറഞ്ഞതായും നടിക്ക് കഥ ഇഷ്ടമായതായും ദേശീയ മാധ്യമങ്ങൾ റിപ്പോർട്ട് ചെയ്യുന്നു. വമ്പൻ സ്കെയിലിലാണ് സംവിധായകൻ സിനിമ ഒരുക്കുന്നതെന്നും സൂചനകളുണ്ട്.
നേരത്തെ കാഞ്ചന 4ൽ മൃണാൾ താക്കൂർ നായികയാകുമെന്ന തരത്തിൽ അഭ്യൂഹങ്ങൾ വന്നിരുന്നു. എന്നാൽ രാഘവ ലോറൻസ് ഇത് നിഷേധിക്കുകയായിരുന്നു. കാഞ്ചന 4 കാസ്റ്റിംഗ് സംബന്ധിച്ച് സോഷ്യൽ മീഡിയയിൽ പ്രചരിക്കുന്ന എല്ലാ വിവരങ്ങളും വെറും അഭ്യൂഹങ്ങൾ മാത്രമാണ് എന്ന് അദ്ദേഹം എക്‌സിൽ കുറിച്ചു.
തമിഴകത്ത് പ്രത്യേക ഫാൻ ബേസുള്ള ഹൊറർ കോമഡി ചിത്രങ്ങളാണ് രാഘവ ലോറൻസിന്റെ കാഞ്ചന ഫ്രാഞ്ചൈസി. കാഞ്ചനയുടെ ആദ്യ രണ്ട് ഭാഗങ്ങൾക്ക് ബോക്സ് ഓഫീസിൽ ചലനമുണ്ടാക്കാൻ സാധിച്ചിരുന്നുവെങ്കിലും അവസാനത്തെ ഭാഗം തിയേറ്ററിൽ വിജയിച്ചിരുന്നില്ല.
2011-ലെ ആദ്യ ഭാഗത്തിന് ശേഷം 2015-ലാണ് കാഞ്ചന 2 റിലീസ് ചെയ്യുന്നത്. ചിത്രത്തിൽ രാഘവന്റെ നായികമാരായത് തപ്സി പന്നു, നിത്യ മേനോൻ എന്നിവരാണ്. 2019 -ൽ പുറത്തിറങ്ങിയ കാഞ്ചന 3യിൽ ഓവിയ, വേദിക എന്നിവരും പ്രധാന താരങ്ങളായി അണിനിരന്നു.
