Get the latest news at
your fingertips!
Download our app now
LIVE TV
Search
റിലീസ് ചെയ്ത് 30ാം ദിവസവും ബോക്സ് ഓഫീസിൽ മികച്ച പ്രകടനം കാഴ്ച വച്ച് ശ്രദ്ധ കപൂർ ചിത്രം 'സ്ത്രീ 2' . ചിത്രം തിയേറ്ററിൽ റിലീസ് ചെയ്തതിന് ശേഷമുള്ള അഞ്ചാമത്തെ വെള്ളിയാഴ്ച 3.35 കോടി രൂപ 'സ്ത്രീ 2' നേടിയെന്നാണ് സാക്നിൽക്ക് പുറത്തുവിട്ട റിപ്പോർട്ട് സൂചിപ്പിക്കുന്നത്. ഇതോടെ ചിത്രത്തിന്റെ ഇന്ത്യയിലെ നെറ്റ് കളക്ഷൻ 542.70 കോടിയായി. ആഗസ്റ്റ് 15 നാണ് 'സ്ത്രീ 2' പുറത്തിറങ്ങിയത്.
അമർ കൗശിക് സംവിധാനം ചെയ്ത ചിത്രത്തിന് വെള്ളിയാഴ്ച 16.20 ശതമാനം ഒക്യുപ്പൻസി നേടാനായി. ചിത്രത്തിൻ്റെ ഇന്ത്യയിലെ ഗ്രോസ് കളക്ഷൻ 666.09 കോടി രൂപയും ലോകമെമ്പാടുമുള്ള ബോക്സ് ഓഫീസ് കളക്ഷൻ 787.8 കോടിയെന്നുമാണ് ബോളിവുഡ് ഹംഗാമ റിപ്പോർട്ട് ചെയ്തത്. ഇതോടെ ഇന്ത്യയിൽ നിന്ന് ഷാരൂഖ് ചിത്രം 'പത്താൻ' നേടിയ 543.09 കോടിയെ 'സ്ത്രീ 2' മറികടക്കുമെന്ന് ഉറപ്പായിരിക്കുകയാണ്. ഓവർ സീസിൽ നിന്ന് 119 കോടിയാണ് ചിത്രമിതുവരെ നേടിയത്.
അമർ കൗശിക് സംവിധാനം ചെയ്ത മഡോക്ക് ഫിലിംസിന്റെ ഹൊറർ യൂണിവേഴ്സിലെ നാലാമത്തെ ചിത്രമാണ് 'സ്ത്രീ 2' . രാജ്കുമാർ റാവുവിനും, ശ്രദ്ധ കപൂറിനും പുറമെ അപർശക്തി ഖുറാന, പങ്കജ് ത്രിപാട്ടി, അഭിഷേക് ബാനർജി എന്നിവരാണ് സ്ത്രീ 2 വിലെ മറ്റു പ്രധാന അഭിനേതാക്കൾ. സ്ത്രീ 2 വിന്റെ ഫൈനൽ കളക്ഷൻ 1000 കോടി കടക്കുമെന്നാണ് ട്രേഡ് അനലിസ്റ്റുകൾ സൂചിപ്പിക്കുന്നത്. 'ദംഗൽ', 'ജവാൻ', 'പത്താൻ' എന്നിവയാണ് ബോളിവുഡിലെ മറ്റു 1000 കോടി ചിത്രങ്ങൾ.
