Get the latest news at
your fingertips!
Download our app now
LIVE TV
Search
പുതിയ ചിത്രമായ ദേവരയുടെ തമിഴ്നാട്ടിലെ പ്രമോഷന്‍ ചടങ്ങിനിടെ സംവിധായകന്‍ വെട്രിമാരനൊപ്പം പ്രവര്‍ത്തിക്കാനുള്ള ആഗ്രഹത്തെ കുറിച്ച് തുറന്നുപറഞ്ഞ് തെലുങ്ക് നടന്‍ ജൂനിയര്‍ എന്‍.ടി.ആര്‍. തമിഴ് സിനിമയിൽ എന്നാണ് അഭിനയിക്കുക എന്ന ചോദ്യത്തോട് പ്രതികരിക്കുകയായിരുന്നു നടന്‍.
എന്നോടൊപ്പം ഒരു സിനിമ ചെയ്യാമോ എന്ന് വെട്രിമാരൻ സാറിനോട് ചോദിക്കുകയാണ്. ആ ചിത്രം തമിഴിൽ ചെയ്ത് തെലുങ്കിലേക്ക് ഡബ്ബ് ചെയ്യാൻ ആഗ്രഹിക്കുന്നു എന്നും പ്രൊമോഷന്‍ ഇവന്റിൽ ജൂനിയർ എൻടിആർ പറഞ്ഞു. ദേവര എല്ലാവരും തിയേറ്ററിൽ പോയി കാണണമെന്നും എൻടിആർ
തമിഴ് പ്രേക്ഷകരോട് അഭ്യർത്ഥിച്ചു.
ആറ് വര്‍ഷങ്ങള്‍ക്ക് ശേഷമുള്ള ജൂനിയർ എൻടിആറിന്‍റെ സോളോ റിലീസായ ദേവര പാര്‍ട്ട് 1 ആക്ഷന്‍ ത്രില്ലര്‍ ഴോണറിലാണ് എത്തുന്നുത്. കൊരട്ടല ശിവ ആണ് സംവിധാനം. 'ജനതാ ഗാരേജ് ' എന്ന ഹിറ്റ് ചിത്രത്തിന് ശേഷം കൊരട്ടല ശിവയും എൻടിആറും വീണ്ടും ഒന്നിക്കുന്ന ചിത്രം കൂടിയാണിത്.
യുവസുധ ആർട്ട്സും എന്‍ടിആര്‍ ആര്‍ട്സും ചേർന്ന് നിർമ്മിക്കുന്ന ചിത്രം നന്ദമുരി കല്യാണ്‍ റാം ആണ് അവതരിപ്പിക്കുന്നത്. ജാൻവി കപൂർ ആണ് നായികാ കഥാപാത്രത്തെ അവതരിപ്പിക്കുക. ജാൻവിയുടെ ആദ്യ തെലുങ്ക് ചിത്രം കൂടിയാണ് 'ദേവര'. സെയ്ഫ് അലി ഖാൻ ആണ് ചിത്രത്തിൽ വില്ലൻ കഥാപാത്രമായി എത്തുന്നത്.
അനിരുദ്ധ് രവിചന്ദർ സംഗീതമൊരുക്കിയ ദേവരയിലെ ഗാനങ്ങൾക്കെല്ലാം മികച്ച പ്രതികരണമാണ് പ്രേക്ഷകരിൽ നിന്ന് ലഭിക്കുന്നത്.
സെപ്റ്റംബർ 27 ന് തെലുങ്ക്, തമിഴ്, മലയാളം, ഹിന്ദി തുടങ്ങിയ ഭാഷകളിലാണ് ദേവര റിലീസ് ചെയ്യുന്നത്. ദുൽഖർ സൽമാന്റെ വേഫെറർ ഫിലിംസാണ് ചിത്രം കേരളത്തിലെത്തിക്കുക.
