Get the latest news at
your fingertips!
Download our app now
LIVE TV
Search
ബിജു മേനോനെ നായകനാക്കി വിഷ്ണു മോഹൻ സംവിധാനം ചെയ്യുന്ന കഥ ഇന്നുവരെ എന്ന ചിത്രത്തിന്റെ ട്രെയ്ലർ ലോഞ്ച് കൊല്ലം ആശ്രാമത്തിൽ വച്ച് നടന്നു. തിരുവനന്തപുരത്തോ എറണാകുളത്തോ വച്ച് നടത്താറുള്ളതിൽ നിന്ന് വ്യത്യസ്തമായി ട്രെയ്ലർ ലോഞ്ച് കൊല്ലത്തുവച്ച് നടത്തിയത് ഏറെ കൗതുകം ഉണർത്തി. ഇന്നലെയാണ് ചിത്രത്തിന്റെ ട്രെയ്ലർ പുറത്തിറങ്ങിയത്.
വ്യത്യസ്ത ജീവിത സാഹചര്യങ്ങളിലുള്ള കുറെ മനുഷ്യരുടെ പ്രണയം പറയുന്ന ചിത്രമാണിതെന്ന സൂചനയാണ് പുറത്തിറങ്ങിയ ട്രെയ്ലർ നൽകുന്നത്. ചിത്രത്തിലെ താരങ്ങളും അണിയറപ്രവർത്തകരുമായ അനു മോഹൻ, കൃഷ്ണൻ ബാലകൃഷ്ണൻ, ഹാരിസ് ദേശം, അനീഷ് പി.ബി, വിപിൻ, വിഷ്ണു മോഹൻ, വാതിക ശങ്കർ, മേതിൽ ദേവിക, അനുശ്രീ, നിഖില വിമൽ, ഹരി പത്തനാപുരം, കൃഷ്ണപ്രസാദ്, അപ്പുണ്ണി ശശി, കോട്ടയം രമേശ്, അരവിന്ദ് വേണുഗോപാൽ, അശ്വിൻ ആര്യൻ തുടങ്ങിയവർ ട്രെയിലർ ലോഞ്ചിൽ പങ്കെടുത്തു. സെപ്റ്റംബര്‍ 20-നാണ് ചിത്രം തിയേറ്ററുകളിലെത്തുക.
'മേപ്പടിയാ'ന് ശേഷം വിഷ്ണു മോഹൻ എഴുതി സംവിധാനം ചെയ്യുന്ന ചിത്രമാണ് 'കഥ ഇന്നുവരെ'. മേതിൽ ദേവികയുടെ അരങ്ങേറ്റ ചിത്രം കൂടിയാണിത്. നിഖില വിമൽ, ഹക്കീം ഷാജഹാൻ, അനുശ്രീ, അനു മോഹൻ, സിദ്ധിഖ്, രഞ്ജി പണിക്കർ, കോട്ടയം രമേശ്, കൃഷ്ണപ്രസാദ്, അപ്പുണ്ണി ശശി, കിഷോർ സത്യ, ജോർഡി പൂഞ്ഞാർ തുടങ്ങിയ പ്രമുഖരും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്. വിഷ്ണു മോഹൻ സ്റ്റോറീസിന്റെ ബാനറിൽ വിഷ്ണു മോഹനും ഒപ്പം ജോമോൻ ടി ജോൺ, ഷമീർ മുഹമ്മദ്, ഹാരിസ് ദേശം, അനീഷ് പിബി, കൃഷ്ണമൂർത്തി എന്നിവരും ചേർന്നാണ് ചിത്രം നിർമ്മിക്കുന്നത്.
കേരളത്തിൽ ഐക്കൺ സിനിമാസ് വിതരണം ചെയ്യുന്ന ചിത്രം ഗൾഫിൽ വിതരണം ചെയ്യുന്നത് ഫാർസ് ഫിലിംസ് ആണ്. മറ്റു രാജ്യങ്ങളില്‍ ആര്‍ എഫ് ടി ആണ് ചിത്രം വിതരണം ചെയ്യുന്നത്. ഛായാഗ്രഹണം - ജോമോൻ ടി ജോൺ, എഡിറ്റിങ് - ഷമീർ മുഹമ്മദ്, സംഗീതം - അശ്വിൻ ആര്യൻ, പ്രൊഡക്ഷൻ കൺട്രോളർ - റിന്നി ദിവാകർ, പ്രൊഡക്ഷൻ ഡിസൈനർ - സുഭാഷ് കരുൺ, കോസ്റ്റ്യൂംസ് - ഇർഷാദ് ചെറുകുന്ന്, മേക്കപ്പ് - സുധി സുരേന്ദ്രൻ, പ്രോജക്‌ട് ഡിസൈനർ- വിപിൻ കുമാർ, വി എഫ് എക്സ് - കോക്കനട്ട് ബഞ്ച്, സൗണ്ട് ഡിസൈൻ - ടോണി ബാബു, സ്റ്റിൽസ് - അമൽ ജെയിംസ്, ഡിസൈൻസ് - ഇല്യൂമിനാർട്ടിസ്റ്, പ്രൊമോഷൻസ് - 10ജി മീഡിയ, പി ആർ ഒ - എ എസ് ദിനേശ്, ആതിര ദിൽജിത്.
