Get the latest news at
your fingertips!
Download our app now
LIVE TV
Search
സിനിമാ പ്രേമികൾ ഒന്നടങ്കം കാത്തിരിക്കുന്ന ചിത്രമാണ് രജനികാന്ത് നായകനാക്കുന്ന വേട്ടയ്യൻ. ചിത്രത്തിന്റെ ഓരോ അപ്ഡേഷനും ആരാധകർക്കിടയിൽ ട്രെൻഡിങ്ങാണ്. ഇപ്പോഴിതാ ചിത്രത്തിലെ അമിതാഭ് ബച്ചന്റെ ക്യാരക്ടർ ആരാധകർക്കായി പരിചയപ്പെടുത്തിക്കൊണ്ടുള്ള വീഡിയോയാണ് നിർമാതാക്കളായ ലൈക്ക പ്രൊഡക്ഷൻസ് പങ്കുവെച്ചിരിക്കുന്നത്.
വേട്ടയ്യനിലെ പവർ ഹൗസിനെ നിങ്ങൾക്ക് പരിചയപ്പെടുത്തുന്നു. അമിതാഭ് ബച്ചൻ സത്യദേവാകും. അദ്ദേഹത്തിന്റെ മാസ് പ്രകടനത്തിനായി സാക്ഷികളാകാൻ ക്ഷണിക്കുന്നു എന്ന ക്യാപ്ഷനോടെയാണ് നിർമാതാക്കൾ സോഷ്യൽ മീഡിയയിൽ വീഡിയോ പങ്കുവെച്ചിരിക്കുന്നത്. ബിഗ് ബി ചിത്രത്തിൽ ഒരു ജഡ്ജിയായി നീണ്ട അതിഥി വേഷം ചെയ്യാൻ ഒരുങ്ങുകയാണ് എന്നാണ് കോളിവുഡ്മാധ്യമങ്ങളുടെ റിപ്പോർട്ടുകൾ സൂചിപ്പിക്കുന്നത്. ഇന്ത്യൻ സിനിമയിലെ രണ്ട് ഐക്കണുകളെയും ഒരുമിച്ച് കണ്ടതിൻ്റെ ആവേശത്തിലാണ് ആരാധകർ.
Meet the powerhouse of VETTAIYAN 🕶️ Introducing @SrBachchan as SATHYADEV 🔥 Get ready to witness his groundbreaking performance. 🤩 #Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan @anirudhofficial @LycaProductions… pic.twitter.com/rce6d7skL3
— Lyca Productions (@LycaProductions) September 19, 2024
‘ജയ് ഭീം’ എന്ന ചിത്രത്തിന്റെ വിജയത്തിന് ശേഷം സംവിധായകന്‍ ജ്ഞാനവേല്‍ ഒരുക്കുന്ന വമ്പന്‍ താരനിരയുള്ള ആക്ഷന്‍ എന്റര്‍ടെയ്നറായിരിക്കും വേട്ടയ്യന്. റിട്ട. പൊലീസ് ഓഫിസറുടെ വേഷത്തിലാണ് രജനികാന്ത് സിനിമയില്‍ പ്രത്യക്ഷപ്പെടുന്നത്. രജനികാന്തിന്റെ 170-ാം ചിത്രമാണ് ലൈക്ക പ്രൊഡക്ഷന്‍സ് നിര്‍മിക്കുന്ന ‘വേട്ടയ്യന്’.
ഫഹദ് ഫാസില്‍, റാണ ദഗ്ഗുബതി, മഞ്ജു വാര്യര്‍, റിതിക സിങ്, ദുഷാര വിജയന്‍ എന്നിവരും ചിത്രത്തില്‍ പ്രധാനവേഷങ്ങളില്‍ എത്തുന്നു. സംഗീതസംവിധായകന്‍ അനിരുദ്ധ് രവിചന്ദര്‍, ഛായാഗ്രാഹകന്‍ എസ്ആര്‍ കതിര്‍, എഡിറ്റര്‍ ഫിലോമിന്‍ രാജ്. 32 വര്‍ഷങ്ങള്‍ക്കു ശേഷം അമിതാഭ് ബച്ചനും രജനികാന്തും ഒരുമിച്ചഭിനയിക്കുന്ന ചിത്രം കൂടെയാണ് ഇത്. 1991-ല്‍ ഹം എന്ന ചിത്രത്തിലാണ് ഇരുവരും അവസാനമായി ഒരുമിച്ചഭിനയിച്ചത്. വേട്ടയ്യന് ശേഷം കൂലി എന്ന ചിത്രത്തിലാണ് രജനികാന്ത് അഭിനയിക്കുക. ചിത്രം അടുത്തവര്‍ഷം റിലീസ് ചെയ്യുമെന്നാണ് റിപ്പോര്‍ട്ടുകള്‍.
