ഇത്തവണയെങ്കിലും ഹിറ്റടിച്ചെ പറ്റു; ഹൊറർ ത്രില്ലറുമായി ജീവ, ബ്ലാക്ക് ട്രെയ്‌ലർ പുറത്തിറങ്ങി

ഹൊറർ ത്രില്ലറായി ഒരുങ്ങുന്ന ചിത്രത്തിൽ പ്രിയ ഭവാനി ശങ്കറാണ് നായികയായി എത്തുന്നത്.

റിപ്പോർട്ടർ നെറ്റ്‌വര്‍ക്ക്‌

1 min read|25 Sep 2024, 06:44 pm

തമിഴിലെ യുവതാരങ്ങളിൽ പ്രമുഖനാണ് ജീവ. റൊമാൻസും, കോമഡിയും ആക്ഷനുമെല്ലാം ഒരു

പോലെ വഴങ്ങുന്ന താരമായിരുന്നിട്ട് കൂടി കഴിഞ്ഞ ഏതാനും വർഷങ്ങളായി ബോക്‌സോഫീസിൽ ഹിറ്റടിക്കാൻ ജീവയ്ക്ക് സാധിച്ചിരുന്നില്ല.

ഏറെ പ്രതീക്ഷകളോടെ എത്തിയ തെലുങ്ക് ചിത്രം യാത്ര 2 ബോക്‌സോഫീസിൽ പരാജയമാവുകയായിരുന്നു. എന്നാൽ ബോക്സ് ഓഫീസ് വിജയം നേടാന്‍ സ്ഥിരം ട്രാക്കിൽ നിന്ന് മാറി പുതിയ ചിത്രവുമായി എത്തുകയാണ് ജീവ.

നവാഗതനായ ബാലസുബ്രമണി സംവിധാനം ചെയ്യുന്ന ബ്ലാക്ക് എന്ന ചിത്രമാണ് ജീവയുടെതായി എത്തുന്ന പുതിയ ചിത്രം. ഹെറർ ത്രില്ലറായി ഒരുങ്ങുന്ന ചിത്രത്തിൽ പ്രിയ ഭവാനി ശങ്കറാണ് നായികയായി എത്തുന്നത്.
നവദമ്പതികൾ പുതിയ ഒരു അപാർട്‌മെന്റിൽ എത്തുന്നതും അവിടെ താമസം തുടങ്ങിയ ശേഷം

ഇരുവരും നേരിടുന്ന പ്രശ്‌നങ്ങളുമാണ് ചിത്രത്തിന്റെ ഇതിവൃത്തം.

നടൻ ആര്യയാണ് ട്രെയ്‌ലർ പുറത്തുവിട്ടത്. പൊട്ടൻഷ്യൽ സ്റ്റുഡിയോസ് ആണ് ചിത്രത്തിന്റെ നിർമാണം. ഛായാഗ്രഹണം ഗോകുൽ ബിനോയ്, സംഗീതസംവിധാനം സാം സിഎസ്, എഡിറ്റർ ഫിലോമിൻ രാജ്, സ്റ്റണ്ട് കൊറിയോഗ്രാഫർ മെട്രോ മഹേഷ്, ഗാനരചയിതാക്കൾ മദൻ കാർക്കി, ചന്ദ്രു, കൊറിയോഗ്രാഫർ ഷെരീഫ് എന്നിവരാണ് പ്രധാന അണിയറ പ്രവർത്തകർ.