Get the latest news at
your fingertips!
Download our app now
LIVE TV
Search
'96' എന്ന സൂപ്പർഹിറ്റ് സിനിമക്ക് ശേഷം പ്രേംകുമാർ തിരക്കഥയെഴുതി സംവിധാനം ചെയ്യുന്ന ചിത്രമാണ് 'മെയ്യഴകൻ'. ട്രേഡ് അനലിസ്റ്റുകൾക്കും മീഡിയക്കുമായി ഇന്നലെ നടത്തിയ ചിത്രത്തിന്റെ പ്രത്യേക പ്രദർശനത്തിൽ നിന്നും മികച്ച പ്രതികരണമാണ് 'മെയ്യഴകൻ' നേടുന്നത്. പ്രേംകുമാറിൻ്റെ തിരക്കഥയ്ക്കും കാർത്തി, അരവിന്ദ് സാമി എന്നിവരുടെ പ്രകടനകൾക്കും കൈയ്യടി ലഭിക്കുന്നുണ്ട്. നാഷണൽ അവാർഡിന് അർഹമായ പ്രകടനമാണ് കാർത്തി ചിത്രത്തിൽ കാഴ്ചവച്ചിരിക്കുന്നതെന്നാണ് ട്വിറ്റർ ട്രാക്കർമാരിൽ ഒരാളായ രാജശേഖർ പോസ്റ്റ് ചെയ്തിരിക്കുന്നത്.
I would rate @Karthi_Offl ‘s performance in #Meiyazhagan as his career best after #Paruthiveeran (which is extra special being his debut). In the second half of the film, man just owns all the single shot long dialogues with varying expressions 🙏🙏 All the cameraman has to do is… pic.twitter.com/kjcLWdgZkI
— Rajasekar (@sekartweets) September 25, 2024
ഒരു നോവൽ വായിക്കുന്നത് പോലെ മനോഹരമായ ചിത്രമാണ് 'മെയ്യഴകൻ'. ചിത്രം പ്രേക്ഷകരെ ഒരുപാട് ചിരിപ്പിക്കുകയും കരയിപ്പിക്കുകയും ചെയ്യുമെന്നുമാണ് പുറത്തുവരുന്ന റിപ്പോർട്ട്. ചിത്രം സെപ്റ്റംബർ 27 ന് തിയേറ്ററിലെത്തും. ജ്യോതികയുടെയും സൂര്യയുടെയും നിർമ്മാണ കമ്പനിയായ 2 ഡി എന്റർടെയ്ൻമെന്റ്സാണ് ചിത്രം നിർമിക്കുന്നത്. ഒരു ഗ്രാമത്തിന്റെ പശ്ചാത്തലത്തിൽ കാർത്തി, അരവിന്ദ് സാമി എന്നിവർ അവതരിപ്പിക്കുന്ന കഥാപാത്രങ്ങൾ തമ്മിലുള്ള വളരെ ഇമോഷണൽ ആയ ബന്ധത്തേയും സ്നേഹത്തേയും വരച്ചുകാട്ടുന്ന ചിത്രമാകും 'മെയ്യഴകൻ' എന്ന സൂചനയാണ് ട്രെയ്‌ലർ നൽകുന്നത്.
Review: #Meiyazhagan is filled with emotional, feel-good nostalgic moments that make you cry, smile, and clap in many places. The music is exceptional. The performances from the entire cast feel incredibly natural.
— Gokulanath Saravanan (@Gokulanath97) September 25, 2024
A BIG, BIG WINNER... detailed review soon. @Karthi_Offl 🧨👍 pic.twitter.com/VNLR5DiC5E
അപൂർവമായി മാത്രം നമുക്ക് ലഭിക്കുന്ന സിനിമയാണ് 'മെയ്യഴകൻ' എന്നും, ചിത്രം എല്ലാവരും തിയേറ്ററിൽ കണ്ട് ആസ്വദിക്കണമെന്നും നടൻ സൂര്യ ചിത്രത്തിന്റെ പ്രീ റിലീസ് ഇവന്റിൽ പറഞ്ഞിരുന്നു. ചിത്രത്തിന്റെ പ്രിവ്യു കണ്ട ശേഷം സൂര്യ തന്നെ കെട്ടിപിടിച്ചെന്നും ആ നിമിഷം ഏറെ പ്രിയപ്പെട്ടതാണെന്നും കാർത്തിയും മനസ്സുതുറന്നിരുന്നു. ഇതിന് മുന്നേ അങ്ങനെ ചെയ്തത് പരുത്തിവീരന്റെ സമയത്താണെന്നും കാർത്തി പറഞ്ഞു.
#Meiyazhagan - ⭐️⭐️⭐️⭐️⭐️A one of its kind feel-good drama that talks about unconditional love, the need to know your roots( also the history) and more love! What a phenomenal performers @Karthi_Offl and @thearvindswami are, they literally hold the film together with their…
— Rajasekar (@sekartweets) September 25, 2024
ശ്രീദിവ്യയാണ് ചിത്രത്തിൽ നായികയായി എത്തുന്നത്. രാജ് കിരൺ, ദേവദർശിനി, ശ്രീരഞ്ജിനി, ജയപ്രകാശ്, ഇളവരസു, കരുണാകരൻ, ശരൺ ശക്തി, രാജ്കുമാർ, തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. '96'ന് ശേഷം, സംവിധായകൻ പ്രേം കുമാറും സംഗീത സംവിധായകൻ ഗോവിന്ദ് വസന്തയും വീണ്ടും ഒന്നിക്കുന്നുവെന്ന പ്രത്യേകതയും 'മെയ്യഴക'നുണ്ട്. മഹേന്ദ്രൻ രാജു ഛായാഗ്രഹണം നിർവ്വഹിക്കുന്ന ചിത്രത്തിനായി ആർ. ഗോവിന്ദരാജാണ് എഡിറ്റിങ് കൈകാര്യം ചെയ്യുന്നത്. കാർത്തിയുടെ 27-ാം ചിത്രമാണ് 'മെയ്യഴകൻ'.
