Get the latest news at
your fingertips!
Download our app now
LIVE TV
Search
'18 പ്ലസ്' എന്ന ചിത്രത്തിന് ശേഷം അരുൺ ഡി ജോസ് സംവിധാനം ചെയ്യുന്ന പുതിയ ചിത്രമാണ് ‘ബ്രൊമാൻസ്’. അർജുൻ അശോകൻ മഹിമ നമ്പ്യാർ, മാത്യു തോമസ്, എന്നിവർ മുഖ്യ വേഷങ്ങളിലെത്തുന്ന സിനിമയുടെ റിലീസ് സംബന്ധിച്ച് പുതിയ അപ്ഡേറ്റ് എത്തിയിരിക്കുകയാണ്. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ നിർമ്മിക്കുന്ന ചിത്രം അടുത്ത വർഷം ഫെബ്രുവരി 14 ന് റിലീസ് ചെയ്യാനുളള തീരുമാനത്തിലാണ് അണിയറപ്രവർത്തകർ എന്നാണ് ഒടിടി പ്ലേ റിപ്പോർട്ട് ചെയ്യുന്നത്.
അരുൺ ഡി ജോസിനൊപ്പം രവീഷ് നാഥ്, തോമസ് പി സെബാസ്റ്റ്യൻ എന്നിവർ ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഗോവിന്ദ് വസന്തയാണ് ഈ ചിത്രത്തിന് വേണ്ടി സംഗീതമൊരുക്കുന്നത്. കലാഭവൻ ഷാജോൺ, ബിനു പപ്പു, ശ്യാം മോഹൻ, സംഗീത് പ്രതാപ് എന്നിവരും ഈ ചിത്രത്തിൽ പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നു.
ചിത്രത്തിന് വേണ്ടി ക്യാമറ കൈകാര്യം ചെയ്യുന്നത് അഖിൽ ജോർജാണ്.എഡിറ്റർ: ചമ്മൻ ചാക്കോ, ആർട്ട്: നിമേഷ് എം താനൂർ, മേക്ക്അപ്പ്: റോണക്സ് സേവ്യർ, കോസ്റ്റ്യൂം: മഷർ ഹംസ,കണ്ട്രോളർ: സുധർമൻ വള്ളിക്കുന്ന്, ചീഫ് അസി: റെജീവൻ അബ്ദുൾ ബഷീർ ഡിസൈൻ: യെല്ലോടൂത്ത്‌സ്, മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്സ് തുടങ്ങിയവരാണ് സിനിമയുടെ മറ്റ് അണിയറപ്രവർത്തകർ.
Content Highlights: Reports That Bromance Movie To Release 2025 Valentines Day
