Get the latest news at
your fingertips!
Download our app now
LIVE TV
Search
തെന്നിന്ത്യൻ വനിതാ താരങ്ങളിൽ സൂപ്പർ സ്റ്റാർ ആണ് നയൻതാര. പുരുഷ താരങ്ങളെ പോലെ തന്നെ നിരവധി ആരാധകരും ബോക്‌സോഫീസ് പവറും നയൻതാരയ്ക്ക് ഉണ്ട്. എന്നാൽ കഴിഞ്ഞ ഏതാനും വർഷങ്ങളായി നയൻതാര ആരാധകർ നിരാശയിലാണ്. നയൻതാര കേന്ദ്രകഥാപാത്രത്തെ അവതരിപ്പിക്കുന്ന ചിത്രങ്ങളിൽ പലതും ഒടിടി പ്ലാറ്റ്‌ഫോമുകളിൽ ഡയറക്ട് റിലീസ് ചെയ്യുന്നതാണ് ആരാധകരെ നിരാശയിലാഴ്ത്തുന്നത്.
നയൻതാരയുടെ ഏറ്റവും പുതിയ ചിത്രമായ ടെസ്റ്റും ഡയറക്ട് ഒടിടി റിലീസിന് ഒരുങ്ങുന്നുവെന്നതാണ് ഏറ്റവും പുതിയ വാർത്ത. മമ്മൂട്ടി നായകനായി പ്രേക്ഷകരെ ഞെട്ടിച്ച ഭ്രമയുഗം സിനിമയുടെ നിര്‍മാതാക്കളില്‍ ഒരാളായ ശശികാന്ത് ആദ്യമായി സംവിധാനം ചെയ്യുന്ന ചിത്രം കൂടിയാണ് 'ടെസ്റ്റ്'. ശശികാന്തിന്‍റെ വെെനോട്ട് സ്റ്റുഡിയോസ് തന്നെയാണ് ചിത്രം നിര്‍മിക്കുന്നത്. സ്‌പോർട്‌സ് ത്രില്ലര്‍ ഡ്രാമയായാണ് 'ടെസ്റ്റ്' ഒരുങ്ങുന്നത്. നയൻതാരയ്‌ക്കൊപ്പം മലയാളത്തിന്‍റെ സ്വന്തം മീരജാസ്മിനും ചിത്രത്തില്‍ അഭിനയിക്കുന്നുണ്ട്. മാധവൻ, സിദ്ധാർത്ഥ്, കാളി വെങ്കട്ട് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ഗായിക ശക്തി ശ്രീ ഗോപാൽ സംഗീതം നൽകിയിരിക്കുന്ന ചിത്രം കൂടിയാണ് ടെസ്റ്റ്. നേരത്തെ ഈ വർഷം തിയേറ്ററുകളിൽ റിലീസ് ചെയ്യാനിരുന്ന ചിത്രം മികച്ച ഓഫർ ലഭിച്ചതോടെ ഒടിടിയിൽ റിലീസ് ചെയ്യാൻ തീരുമാനിക്കുകയായിരുന്നു.നയൻതാര കേന്ദ്രകഥാപാത്രത്തെ അവതരിപ്പിച്ച മുക്കുത്തി അമ്മൻ, നേട്രികൺ, ഒ2, എന്നീ ചിത്രങ്ങൾ ഡയറക്ട് ഒടിടി റിലീസ് ആയിരുന്നു. അതേസമയം നിരവധി സിനിമകളാണ് നയൻതാരയുടെതായി അണിയറയിൽ ഒരുങ്ങുന്നത്. 'മാനങ്ങാട്ടിൻ സിൻസ് 1960', 'ഡിയർ സ്റ്റുഡന്റസ്', 'മൂക്കുത്തി അമ്മൻ 2, തനി ഒരുവൻ 2 എന്നിവയാണ് അണിയറയിൽ ഒരുങ്ങുന്ന ചിത്രങ്ങൾ.
തമിഴ്, തെലുങ്ക്, മലയാളം ഭാഷകളിലായി മികച്ച സിനിമകള്‍ ഒരുക്കിയ നിർമ്മാണ കമ്പനികൂടിയാണ് വെെനോട്ട് സ്റ്റുഡിയോസ്. തമിഴ് പടം, കാതലിൽ സോദപ്പത് യെപ്പടി, കാവ്യതലൈവൻ, ഇരുധിസുട്രു, ഗെയിം, വിക്രം വേദ, മണ്ടേല, കടശീല ബിരിയാണി, ഭ്രമയുഗം തുടങ്ങിയവ വൈനോട്ട് സ്റ്റുഡിയോസ് നിർമിച്ച ചിത്രങ്ങളില്‍ ചിലതാണ്.
Content Highlights: Nayanthara Test movie also plan to Direct OTT Movie directed by producer of Bramayugam
