Get the latest news at
your fingertips!
Download our app now
LIVE TV
Search
മലയാള നടന്മാരിൽ കുഞ്ചാക്കോ ബോബന്റെ ഡാൻസിന് നിരവധി ആരാധകരാണ് ഉള്ളത്. 1997 ൽ കരിയർ തുടങ്ങിയ ചാക്കോച്ചന്റെ ആദ്യ സിനിമ മുതൽ തന്നെ മികച്ച ഡാൻസുകൾ മലയാളികൾക്ക് ലഭിച്ചിട്ടുണ്ട്. അമൽ നീരദ് സംവിധാനം ചെയ്ത ബോഗെയ്ൻവില്ല എന്ന ചിത്രത്തിന്റെ പ്രമോ വീഡിയോയിലാണ് ചാക്കോച്ചന്റെ പുതിയ സ്റ്റെപ്പുകൾ കണ്ടത്.
എന്നാൽ ഏവരെയും ഞെട്ടിച്ചുകൊണ്ട് സ്റ്റേജിൽ ലൈവായി ഡാൻസ് കളിച്ചിരിക്കുകയാണ് ചാക്കോച്ചൻ. ബോഗെയ്ൻവില്ലെയിലെ സ്തുതി ഗാനത്തിനായിട്ടാണ് സ്റ്റേജിൽ കുഞ്ചാക്കോ ബോബൻ ഡാൻസ് കളിച്ചത്. നർത്തകനും നടനുമായ റംസാൻ മുഹമ്മദും ചാക്കോച്ചനൊപ്പം ഡാൻസിന് ഉണ്ടായിരുന്നു.
എന്നാൽ റംസാന്റെ എനർജിയെക്കാളും കൂടുതലാണ് ചാക്കോച്ചന്റെയെന്നാണ് ഉയരുന്ന കമന്റുകൾ. 47 വയസായ വ്യക്തിയാണ് ഈ ഡാൻസ് കളിക്കുന്നതെന്ന് പറയില്ലെന്നും സോഷ്യൽ മീഡിയയിൽ കമന്റുകൾ വരുന്നുണ്ട്. ഗൾഫിൽ നടക്കുന്ന ഗ്രേറ്റ് ഇന്ത്യാ ഫെസ്റ്റ് എന്ന പരിപാടിയിൽ പങ്കെടുക്കുകയായിരുന്നു ചാക്കോച്ചൻ.
ഒക്ടോബർ 16 നാണ് ബോഗെയ്ൻവില്ല റിലീസ് ചെയ്യുന്നത്. സുഷിൻ ശ്യാം ആണ് ചിത്രത്തിന്റെ ഗാനങ്ങൾ ഒരുക്കിയിരിക്കുന്നത്. വരത്തൻ, ട്രാൻസ്, ഭീഷ്മ പർവ്വം എന്നീ ചിത്രങ്ങൾക്ക് ശേഷമുള്ള അമൽ നീരദ് -സുഷിൻ ശ്യാം ടീമിന്റെ തുടർച്ചയായ നാലം കൂട്ടുകെട്ടാണിത്.
അമൽ നീരദും കുഞ്ചാക്കോ ബോബനും ആദ്യമായി ഒന്നിക്കുന്ന ചിത്രം കൂടിയാണിത്. സിനിമയിൽ കുഞ്ചാക്കോ ബോബൻ നെഗറ്റീവ് ഷെയ്ഡുള്ള കഥാപാത്രത്തെയാകും അവതരിപ്പിക്കുക എന്ന റിപ്പോർട്ടുകളുണ്ട്. ചാക്കോച്ചനും ജ്യോതിർമയിക്കുമൊപ്പം ഷറഫുദ്ദീൻ, ശ്രിന്ദ, ഫഹദ് ഫാസിൽ തുടങ്ങിയവരാണ് ചിത്രത്തിൽ ഉള്ളത്.
ക്രൈം ത്രില്ലർ നോവലുകളിലൂടെ ശ്രദ്ധേയനായ ലാജോ ജോസും അമൽ നീരദുമാണ് ചിത്രത്തിന്റെ തിരക്കഥ. അമൽ നീരദ് പ്രൊഡക്ഷൻസിൻറെ ബാനറിൽ ജ്യോതിർമയിയും ഉദയ പിക്‌ചേഴ്‌സിൻറെ ബാനറിൽ കുഞ്ചാക്കോ ബോബനും ചേർന്നാണ് ചിത്രം നിർമിക്കുന്നത്.
Content Highlights: Kunchacko Boban Ramzan Live Stage Dance Viral Video
