Get the latest news at
your fingertips!
Download our app now
LIVE TV
Search
ബോളിവുഡിൽ ഏറെ ആരാധകരുള്ള ഫ്രാഞ്ചൈസികളിൽ ഒന്നാണ് രോഹിത് ഷെട്ടിയുടെ കോപ്പ് യൂണിവേഴ്‌സ്. സിങ്കം, സിങ്കം റിട്ടേൺസ്, സൂര്യവംശി, സിംബാ എന്നീ ചിത്രങ്ങളാണ് ഇതുവരെ ഈ യൂണിവേഴ്സിന്റെ ഭാഗമായി പുറത്തുവന്ന സിനിമകൾ. ഈ ഫ്രാഞ്ചൈസിയുടെ അടുത്ത ചിത്രമായ സിങ്കം എഗെയ്നിന്റെ ട്രെയിലർ സംബന്ധിച്ച് വമ്പൻ അപ്ഡേറ്റാണ് ഇപ്പോൾ വന്നിരിക്കുന്നത്.
സിംഗം എഗെയ്ൻ ട്രെയിലറിൻ്റെ ദൈർഘ്യം നാല് മിനിറ്റ് 45 സെക്കൻഡ് ആയിരിക്കുമെന്നാണ് പിങ്ക്‌വില്ല റിപ്പോർട്ട് ചെയ്യുന്നത്. അജയ് ദേവ്ഗൺ, കരീന കപൂർ, അക്ഷയ് കുമാർ, രൺവീർ സിംഗ്, ദീപിക പദുക്കോൺ, ടൈഗർ ഷ്റോഫ്, അർജുൻ കപൂർ, ജാക്കി ഷ്റോഫ് എന്നിവരും ട്രെയിലറിൽ ഉണ്ടാകുമെന്നും സൂചനകളുണ്ട്.
ചിത്രത്തിൽ സൽമാൻ ഖാൻ കാമിയോ വേഷത്തിലെത്തുമെന്ന റിപ്പോർട്ടുകളുമുണ്ട്. ദബാംഗ് എന്ന ചിത്രത്തിലെ ഹിറ്റ് കഥാപാത്രമായ ചുൽബുൽ പാണ്ഡെയായിട്ടാണ് നടനെത്തുക. ചിത്രത്തിനായി ഒരു ദിവസത്തെ ഡേറ്റ് സൽമാൻ ഖാൻ നൽകിയെന്നും അജയ് ദേവ്ഗണും സൽമാനുമൊത്തുള്ള ഈ രംഗങ്ങളാകും സിനിമയുടെ പ്രധാന ആകർഷണം എന്നുമാണ് പുറത്തുവരുന്ന വാർത്തകൾ സൂചിപ്പിക്കുന്നത്. സിങ്കം എഗെയ്നിൽ ചെറിയ വേഷത്തിലെത്തുന്ന ചുൽബുൽ പാണ്ഡെ ഇനി പുറത്തിറങ്ങാനിരിക്കുന്ന കോപ്പ് യൂണിവേഴ്സിലെ അടുത്ത സിനിമകളിൽ ഒരു പ്രധാന വേഷത്തിലെത്തുമെന്നും സൂചനകളുണ്ട്.
കോപ്പ് യൂണിവേഴ്സിലെ ഏറ്റവും വലിയ ചിത്രമായി ആണ് സിങ്കം എഗെയ്ൻ ഒരുങ്ങുന്നത്. ദീപാവലി റിലീസായി സിങ്കം എഗെയ്ൻ നവംബർ ഒന്നിന് തിയേറ്ററുകളിലെത്തും. ചിത്രത്തിൻ്റെ ഡിജിറ്റൽ സ്ട്രീമിംങ് അവകാശം 130 കോടി രൂപയ്ക്ക് ആമസോൺ പ്രൈം വീഡിയോ സ്വന്തമാക്കി.
Content Highlights: Reports That Singham Again To Have The Longest Trailer in Hindi Cinema
