Get the latest news at
your fingertips!
Download our app now
LIVE TV
Search
ആലിയ ഭട്ടിനെ കേന്ദ്ര കഥാപാത്രമാക്കി വാസൻ ബാല സംവിധാനം ചെയ്യുന്ന ചിത്രമാണ് ജിഗ്‌റ. ചിത്രത്തിന്റെ തെലുങ്ക് പ്രീ റിലീസ് ഇവന്റിൽ മുഖ്യാതിഥിയായി എത്തിയ നടി സമാന്തയെ പുകഴ്ത്തി ആലിയ ഭട്ടും സംവിധായകൻ ത്രിവിക്രമും. രജനികാന്ത് കഴിഞ്ഞാല്‍, മലയാളത്തിലും തമിഴിലും തെലുങ്കിലും ഒരുപോലെ ഫാൻ ബേസ് ഉള്ള താരം സമാന്തയാണ് എന്ന് ത്രിവിക്രം പറഞ്ഞു.
ഓഫ് സ്ക്രീനിലും ഓൺ സ്ക്രീനിലും സമാന്ത ഒരു ഹീറോയാണെന്നും മറ്റുള്ളവർക്ക് ഒരു മാതൃകയാണെന്നും ആലിയ ഭട്ടും അഭിപ്രായപ്പെട്ടു.
"ഞാന്‍ ആലിയ ഭട്ടിനോട് പറയുകയായിരുന്നു. നടന്മാരില്‍ തമിഴിലും തെലുങ്കിലും മലയാളത്തിലും ഒരുപോലെ ആരാധകരുള്ളത് രജനികാന്തിനാണ്. അദ്ദേഹം കഴിഞ്ഞാല്‍ പിന്നെ അങ്ങനെ ഫാന്‍ ബേസുള്ള താരം സമാന്തയാണ്," ത്രിവിക്രം പറഞ്ഞു. അല വെെകുണ്ഠപുരമിലോ, ഗുണ്ടൂര്‍ കാരം തുടങ്ങിയ സൂപ്പര്‍ഹിറ്റ് സിനിമകളുടെ സംവിധായകനാണ് ത്രിവിക്രം.
#Trivikram Compares #Samantha's Stardom to #Rajinikanth!
— Pakka Telugu Media (@pakkatelugunewz) October 8, 2024
"I was telling Alia just now. If anyone has the same kind of fan base in all languages, it must be Rajinikanth followed by Samantha!"#SamanthaRuthPrabhu #Jigra #AliaBhatt #RanbirKapoor #Hyderabad #Telangana #Vettaiyan https://t.co/b0xP8Z01Hh pic.twitter.com/x3xUc82uoU
അഭിനേതാക്കൾ പരസ്പരം മത്സരിക്കുമെന്നാണ് പൊതുവെ പറയാറുള്ളത്. എന്നാൽ അങ്ങനെയൊന്നില്ല, കാരണം ഇന്ന് തന്റെ സിനിമ പ്രൊമോട്ട് ചെയ്യാനായി എത്തിയത് ഒരു പാൻ ഇന്ത്യൻ സൂപ്പർസ്റ്റാർ ആണെന്നും ആലിയ ഭട്ട് പറഞ്ഞു. ത്രിവിക്രം തിരക്കഥയെഴുതി സംവിധാനം ചെയ്യുന്ന സിനിമയിൽ താനും സമാന്തയും ഒരുമിച്ചഭിക്കാൻ ആഗ്രഹിക്കുന്നെന്നും ആലിയ ഭട്ട് കൂട്ടിച്ചേര്‍ത്തു.
'പ്രിയപ്പെട്ട സാം, നിങ്ങളുടെ കഴിവുകളോടും ദൃഢനിശ്ചയത്തോടും ധെെര്യത്തോടും എനിക്ക് വളരെയധികം ആരാധനയുണ്ട്. പുരുഷൻ്റെ ഈ ലോകത്ത് ഒരു സ്ത്രീയായിരിക്കുക എന്നത് എളുപ്പമല്ല. പക്ഷെ നിങ്ങള്‍ ലിംഗഭേദങ്ങളെ മറികടന്നു. നിങ്ങൾ മറ്റുള്ളവർക്ക് ഒരു മാതൃകയാണ്. ഈ പ്രീ റിലീസ് ഇവന്റിനെപ്പറ്റി ഞാൻ മെസ്സേജ് ചെയ്തപ്പോൾ ഞാൻ അവിടെ എത്തും എന്നറിയിക്കാൻ വെറും ആറര സെക്കന്റ് ആണ് നിങ്ങൾ എടുത്തത്,' ആലിയ ഭട്ട് പറഞ്ഞു.
ഞെട്ടിപ്പിക്കുന്ന ആക്ഷൻ രംഗങ്ങളാൽ സമ്പന്നമായ ഒരു ഡാർക്ക് ത്രില്ലർ സിനിമയാകും ജിഗ്‌റ എന്ന സൂചനയാണ് ട്രെയ്‌ലർ നൽകുന്നത്. വിദേശത്തെ ഒരു ജയിലിൽ അകപ്പെട്ടിരിക്കുന്ന തന്റെ അനിയനെ രക്ഷിക്കാൻ ആലിയയുടെ കഥാപാത്രം നടത്തുന്ന ശ്രമങ്ങളാണ് സിനിമയുടെ പശ്ചാത്തലം എന്നാണ് ട്രെയ്‌ലറിലൂടെ മനസ്സിലാക്കാൻ സാധിക്കുന്നത്. ചിത്രം ഒക്ടോബർ 11ന് തിയേറ്ററിലെത്തും. ആലിയ ഭട്ടിന്റെ ആദ്യ മുഴുനീള ആക്ഷൻ ചിത്രമാണിത്.
Content Highlights : after Rajinikanth Samantha is the only star to have equal fan base in Telugu Tamil and malayalam
