Get the latest news at
your fingertips!
Download our app now
LIVE TV
Search
ഒരു സെലിബ്രിറ്റി വെഡ്‌ഡിങ് കഴിഞ്ഞാൽ പിന്നെ സോഷ്യൽ മീഡിയ നിറയെ അതിന്റെ ചിത്രങ്ങളും വീഡിയോകളും നിറയാറുണ്ട്. പക്ഷെ, ചില ചിത്രങ്ങളല്ലാതെ, നയന്‍താരയുടെയും
സംവിധായകന്‍ വിഘ്നേശ് ശിവന്‍റെയും വിവാഹത്തിന്‍റെ വീഡിയോ ഒന്നും പുറത്തുവന്നിട്ടില്ല. നെറ്റ്ഫ്ളിക്സാണ് ഈ വിവാഹം ഡോക്യുമെന്‍റ് ചെയ്ത് വീഡിയോ ആയി പുറത്തിറക്കാനിരുന്നത്. എന്നാല്‍ 2022 ല്‍ നടന്ന വിവാഹത്തിന്‍റെ വീഡിയോ ചില കാരണങ്ങളാല്‍ നീണ്ടുപോയി. ഇനി ഈ വിവാഹ ഡോക്യുമെന്‍ററിയില്‍ കാലതാമസമുണ്ടാകില്ലെന്ന സൂചനകളാണ് ഇപ്പോള്‍ പുറത്തുവന്നിരിക്കുന്നത്.
'നയൻതാര: ബിയോണ്ട് ദി ഫെയറിടെയ്ൽ' എന്ന് പേരിട്ടിരിക്കുന്ന വിവാഹ ഡോക്യുമെന്ററി നെറ്റ്ഫ്ളിക്സില്‍ ഇപ്പോള്‍ ലിസ്റ്റ് ചെയ്തിട്ടുണ്ട്. റിലീസ് എന്നാണെന്ന് അറിയിച്ചിട്ടില്ലെങ്കിലും ഒരു മണിക്കൂർ 21 മിനിട്ടാണ് വീഡിയോയുടെ ദൈർഘ്യം എന്നതടക്കമുള്ള വിവരങ്ങള്‍ ഈ ലിങ്കില്‍ കാണാം. ഗൗതം വാസുദേവ് മേനോനാണ് ഡോക്യുമെന്ററി സംവിധാനം ചെയ്തിരിക്കുന്നത്.
വിവാഹം നടന്നതിന് തൊട്ടടുത്ത ദിവസങ്ങളിലായി ഡോക്യുമെന്‍ററിയുടെ ഒരു ടീസര്‍ നെറ്റ്ഫ്ളിക്സ് പുറത്തുവിട്ടിരുന്നു. തമ്മിൽ കണ്ടുമുട്ടിയതിനെ കുറിച്ചും, പ്രണയത്തെപ്പറ്റിയുമെല്ലാം താരജോഡികൾ ഈ ടീസറില്‍ സംസാരിച്ചിരുന്നു. അന്ന് മുതല്‍ വീഡിയോക്കായി ആകാംക്ഷപൂര്‍വം ആരാധകര്‍ കാത്തിരിക്കുകയാണ്.
രജനികാന്ത്, ഷാരൂഖ് ഖാൻ, ബോണി കപൂർ, മണിരത്‍നം, ആര്യ, സൂര്യ, അറ്റ്‍ലി, എ ആര്‍ റഹ്‍മാൻ തുടങ്ങി ഇന്ത്യയിലെ വിവിധ സിനിമാ ഇൻഡസ്ട്രികളിലെ പ്രമുഖര്‍ നയന്‍താര-വിഘ്നേശ്
വിവാഹചടങ്ങുകളില്‍ പങ്കെടുത്തിരുന്നു. അതുകൊണ്ട് തന്നെ നിരവധി ആരാധകരും വീഡിയോക്കായി കാത്തിരിക്കുന്നുണ്ട്. അതേസമയം, രണ്ട് വർഷമായി ഈ വീഡിയോ പുറത്തിറക്കാതിരുന്നത് എന്തുകൊണ്ടാണെന്ന ചോദ്യവും പലരും ഉയർത്തുന്നുണ്ട്.
Content Highlights: Nayanthara and Vignesh Shivan's wedding documentary coming soon netflix
