Get the latest news at
your fingertips!
Download our app now
LIVE TV
Search
ബോളിവുഡിൽ ഏറെ ആരാധകരുള്ള ഫ്രാഞ്ചൈസികളിൽ ഒന്നാണ് രോഹിത് ഷെട്ടിയുടെ കോപ്പ് യൂണിവേഴ്‌സ്. ഈ യൂണിവേഴ്സിലെ ഏറ്റവും പുതിയ ചിത്രമായ 'സിങ്കം എഗെയ്നി'ന്റെ ട്രെയിലർ കഴിഞ്ഞ ദിവസം റിലീസ് ചെയ്തിരുന്നു. അഞ്ച് മിനിറ്റോളം ദൈർഘ്യമുളള ട്രെയിലറിൽ അജയ് ദേവ്ഗണിനൊപ്പം കരീന കപൂർ, അക്ഷയ് കുമാർ, രൺവീർ സിംഗ്, ദീപിക പദുക്കോൺ, ടൈഗർ ഷ്റോഫ്, അർജുൻ കപൂർ, ജാക്കി ഷ്റോഫ് തുടങ്ങിയ ബോളിവുഡ് താരങ്ങളെയും കാണിക്കുന്നുണ്ട്. ഈ ട്രെയിലറിന് നേരെ സമൂഹ മാധ്യമങ്ങളിൽ വലിയ തോതിൽ വിമർശനങ്ങളാണ് ഇപ്പോൾ വരുന്നത്.
ട്രെയിലറിന്റെ ദൈർഘ്യം തന്നെയാണ് വിമർശനത്തിന് പ്രധാന കാരണം. അഞ്ച് മിനിറ്റോളമുളള ട്രെയിലറിൽ സിനിമയുടെ കഥ മുഴുവൻ പറയുന്നുണ്ട് എന്നാണ് പലരും പറയുന്നത്. ഈ ട്രെയിലറിനെ ഒരു ഷോർട്ട്ഫിലിമായി പ്രഖ്യാപിക്കണം എന്നും ചിലർ ട്രോളുന്നുണ്ട്. ബോളിവുഡ് സൂപ്പർസ്റ്റാർസിന്റെ മാഷപ്പ് ആണോ ഇത് എന്നും ചോദ്യം വരുന്നുണ്ട്. ട്രെയിലറിലെ രാമായണം റഫറൻസും ദീപികയുടെ പ്രകടനവുമെല്ലാം വിമർശനങ്ങൾക്ക് കാരണമാകുന്നുണ്ട്.
#SinghamAgain cast has Arjun Kapoor & Ranveer Singh, but still Deepika is the worst of all of them.
— Hail Hydra (@Lordofbattles8) October 7, 2024
I can't man, she is so bad😭😭
#SinghamAgainTrailer pic.twitter.com/HXz89gbEq2
The Singham Again trailer feels like a mashup of all the cringie TikTok videos, with a forced Ramayan spin on good & evil to cash in on Diwali.
— The Cinéprism (@TheCineprism) October 7, 2024
Rohit Shetty's cop universe only gets worse with each film. #SinghamAgainTrailer pic.twitter.com/jz9iRwPJFD
സിങ്കം, സിങ്കം റിട്ടേൺസ്, സൂര്യവംശി, സിംബാ എന്നീ ചിത്രങ്ങളാണ് ഇതുവരെ ഈ യൂണിവേഴ്സിന്റെ ഭാഗമായി പുറത്തുവന്ന സിനിമകൾ. ഇതിൽ സൂര്യവംശിയുടെ തുടർച്ചയായിട്ടാണ് സിങ്കം എഗെയ്ൻ എത്തുന്നത്. ചിത്രത്തിൽ പ്രധാന വേഷത്തിൽ ബാജിറാവോ സിങ്കം എന്ന കഥാപാത്രമായി അജയ് ദേവ്ഗൺ ആണ് എത്തുന്നത്.
ചിത്രത്തിൽ സൽമാൻ ഖാൻ കാമിയോ വേഷത്തിലെത്തുമെന്ന റിപ്പോർട്ടുകളുമുണ്ട്. ദബാംഗ് എന്ന ചിത്രത്തിലെ ഹിറ്റ് കഥാപാത്രമായ ചുൽബുൽ പാണ്ഡെയായിട്ടാണ് നടനെത്തുക. ചിത്രത്തിനായി ഒരു ദിവസത്തെ ഡേറ്റ് സൽമാൻ ഖാൻ നൽകിയെന്നും അജയ് ദേവ്ഗണും സൽമാനുമൊത്തുള്ള ഈ രംഗങ്ങളാകും സിനിമയുടെ പ്രധാന ആകർഷണം എന്നുമാണ് പുറത്തുവരുന്ന വാർത്തകൾ സൂചിപ്പിക്കുന്നത്.
സിങ്കം എഗെയ്നിൽ ചെറിയ വേഷത്തിലെത്തുന്ന ചുൽബുൽ പാണ്ഡെ ഇനി പുറത്തിറങ്ങാനിരിക്കുന്ന കോപ്പ് യൂണിവേഴ്സിലെ അടുത്ത സിനിമകളിൽ ഒരു പ്രധാന വേഷത്തിലെത്തുമെന്നും സൂചനകളുണ്ട്. കോപ്പ് യൂണിവേഴ്സിലെ ഏറ്റവും വലിയ ചിത്രമായി ആണ് സിങ്കം എഗെയ്ൻ ഒരുങ്ങുന്നത്. ദീപാവലി റിലീസായി സിങ്കം എഗെയ്ൻ നവംബർ ഒന്നിന് തിയേറ്ററുകളിലെത്തും. ചിത്രത്തിൻ്റെ ഡിജിറ്റൽ സ്ട്രീമിംങ് അവകാശം 130 കോടി രൂപയ്ക്ക് ആമസോൺ പ്രൈം വീഡിയോ സ്വന്തമാക്കി.
Content Highlights: Singham Again Trailer Trolled in Social Media
