Get the latest news at
your fingertips!
Download our app now
LIVE TV
Search
രജനികാന്ത് നായകനാകുന്ന ചിത്രം വേട്ടയ്യൻ തിയേറ്ററുകളിൽ പ്രദർശനത്തിനെത്തിയിരിക്കുകയാണ്. സിനിമയെക്കുറിച്ചും രജനികാന്ത് ഉൾപ്പടെയുള്ളവരുടെ പ്രകടനങ്ങളെക്കുറിച്ചും സമൂഹ മാധ്യമങ്ങളിൽ ചർച്ചകൾ ആരംഭിച്ചു കഴിഞ്ഞു. അതിനൊപ്പം തന്നെ സോഷ്യൽ മീഡിയയിൽ ഹിറ്റായിരിക്കുന്ന മറ്റൊന്ന് കൂടിയുണ്ട്, തമിഴ് നടൻ സൂര്യയ്ക്കുള്ള വേട്ടയ്യൻ ടീമിന്റെ പ്രത്യേക നന്ദി കാർഡ്.
വേട്ടയ്യന്റെ തുടക്കത്തിലേ താങ്ക്സ് കാർഡിൽ നടൻ സൂര്യയുടെ പേര് നൽകിയിട്ടുണ്ട്. ഇത് ആഘോഷമാക്കുകയാണ് നടന്റെ ആരാധകർ. സമൂഹ മാധ്യമങ്ങളിലൂടെ സൂര്യ ആരാധകർ വേട്ടയ്യൻ താങ്ക്സ് കാർഡിന്റെ ചിത്രങ്ങൾ പങ്കുവെക്കുന്നുണ്ട്.
#Vettaiyan - Thanks card for #Suriya ..❣️🤝 pic.twitter.com/HpGnhqWETd
— Laxmi Kanth (@iammoviebuff007) October 10, 2024
#Vettaiyan - Thanks card for Suriya ❤️ pic.twitter.com/awzmiZedGy
— Suriya Fans Trends (@Trendz_Suriya) October 10, 2024
സൂര്യയുടെ ബിഗ് ബജറ്റ് ചിത്രം കങ്കുവ ഒക്ടോബർ 10 നായിരുന്നു റിലീസ് പ്രഖ്യാപിച്ചിരുന്നത്. എന്നാൽ വേട്ടയ്യനുമായി ക്ലാഷ് വേണ്ടെന്ന കാരണത്താൽ സിനിമയുടെ റിലീസ് മാറ്റിവെക്കുകയായിരുന്നു. 'മെയ്യഴകന്‍' എന്ന സിനിമയുടെ ഓഡിയോ ലേഞ്ച് വേദിയില്‍ വെച്ച് സൂര്യ തന്നെയാണ് രജനികാന്തിനോടുള്ള ആദരസൂചകമായി കങ്കുവ റിലീസ് മാറ്റുന്നതായി അറിയിച്ചതും. ഇപ്പോൾ വേട്ടയ്യന്റെ താങ്ക്സ് കാർഡിൽ സൂര്യയ്ക്ക് നന്ദി പറയാൻ കാരണമിതാണ് എന്നാണ് ആരാധകർ പറയുന്നത്. കങ്കുവ അടുത്ത മാസം 14 നാണ് റിലീസ് ചെയ്യുന്നത്.
അതേസമയം വേട്ടയ്യന്റെ ആദ്യഷോകൾ പിന്നിടുമ്പോൾ ഇതൊരു മാസ് രജനി ചിത്രം എന്നതിലുപരി കണ്ടന്റിന് പ്രാധാന്യം നൽകുന്ന സിനിമയാണെന്നാണ് പലരും അഭിപ്രായപ്പെടുന്നത്. സിനിമ ആരംഭിച്ച് ആദ്യ 20 മിനിറ്റ് സമയം രജനികാന്ത് ആരാധകർക്ക് ആഘോഷിക്കുന്നതിനുള്ള വക സിനിമ നൽകുന്നുണ്ട് എന്നാണ് പലരും പറയുന്നത്. പിന്നീട് ത്രില്ലറിലേക്ക് കഥ വഴിമാറുകയാണ്. രജനികാന്ത് കഴിഞ്ഞാൽ സിനിമയിൽ ഏറ്റവും അധികം പ്രശംസ ലഭിച്ചിരിക്കുന്നത് ഫഹദ് ഫാസിലിന്റെ പ്രകടനത്തിനാണ്. തമാശ രംഗങ്ങളിൽ മിന്നുന്ന പ്രകടനമാണ് നടൻ കാഴ്ച വെച്ചിരിക്കുന്നത് എന്നാണ് അഭിപ്രായങ്ങൾ.
ദുഷ്‍റ മികച്ച ഒരു കഥാപാത്രത്തെ ചിത്രത്തില്‍ അവതരിപ്പിച്ചിരിക്കുന്നു. സിനിമയിൽ രംഗങ്ങൾ കുറവാണെങ്കിലും മഞ്ജു വാര്യരുടെ കഥാപാത്രം നിർണ്ണായകമാണെന്നും അഭിപ്രായങ്ങളുണ്ട്.
സിനിമയുടെ പ്രധാന പ്ലസ് പോയിന്റുകളിൽ ഒന്നായി എല്ലാവരും അഭിപ്രായപ്പെടുന്നത് അനിരുദ്ധ് രവിചന്ദറിന്റെ പശ്ചാത്തല സംഗീതവും പാട്ടുകളുമാണ്. സോഷ്യൽ മീഡിയയിൽ ട്രെൻഡിങ്ങായ 'മനസ്സിലായോ' എന്ന ഗാനം തിയേറ്ററുകളിലും ആരവം സൃഷ്ടിച്ചതായി പലരും പറയുന്നുണ്ട്.
Content Highlights: Social Media celebrates special thanks card for Suriya in Vettaiyan movie
