Get the latest news at
your fingertips!
Download our app now
LIVE TV
Search
ഏറെ നാളത്തെ ഇടവേളയ്ക്ക് ശേഷം ജ്യോതിർമയി സിനിമയിലേക്ക് തിരിച്ചുവരവ് നടത്തുന്ന ചിത്രമാണ് ബോഗയ്ന്വില്ല. സിനിമയിൽ അഭിനയിക്കാതിരിയ്ക്കാൻ ചിത്രീകരണം തുടങ്ങുന്ന ഒരാഴ്ച
മുന്‍പ് വരെ ശ്രമിച്ചിരുന്നുവെന്ന് ജ്യോതിർമയി പറഞ്ഞു. റിപ്പോർട്ടർ ടിവിയ്ക്ക് നൽകിയ അഭിമുഖത്തിലായിരുന്നു പ്രതികരണം.
'ഇത്രയും കാലം എവിടെ പോയി എന്ന് ആളുകൾ ചോദിക്കുന്നുണ്ട്. ഞാൻ എവിടെയും പോയിരുന്നില്ല. എറണാകുളത്ത് വീട്ടിൽ തന്നെ ഉണ്ടായിരുന്നു. ആരും സിനിമയിലേക്ക് വിളിച്ചിരുന്നില്ല. ഈ സിനമയിൽ അമൽ നീരദാണ് ഈ കഥാപാത്രം ചെയ്യാന്‍ നിര്‍ബന്ധിച്ചത്. പെർഫോമന്‍സ് ഓറിയന്‍റഡായിട്ടുള്ള ക്യാരക്ടറാണ്. ഒരുപാട് ചെയ്യാനുണ്ട്. എനിക്കാണെങ്കില്‍ സിനിമയോടുള്ള ടച്ച് വിട്ടു. എന്നെ കൊണ്ട് ഇത് പറ്റുമോ എന്ന സംശയം ഉണ്ടായിരുന്നു.
സിനിമ തുടങ്ങുന്നതിന് ഒരാഴ്ച മുന്‍പ് വരെ ഞാൻ അമലിനോട് പറഞ്ഞിരുന്നു വേറെ നല്ല നടിമാർ ഉണ്ടല്ലോ, അവരെ വെച്ച് ചെയ്തൂടേയെന്ന്. പക്ഷെ എനിക്ക് ആത്മവിശ്വാസം നല്‍കി ഈ സിനിമയില്‍ അഭിനയിപ്പിച്ചതിന് അമല്‍ എന്ന സംവിധായകനോട് എനിക്ക് ഒരുപാട് നന്ദി ഉണ്ട്', ജ്യോതിർമയി പറഞ്ഞു.
പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് 'ബോഗയ്‌ന്‍ വില്ല'. വേറിട്ട ലുക്കിലാണ് ജ്യോതിർമയി സിനിമയിൽ എത്തുന്നത്. സൂപ്പര്‍ ഹിറ്റ് ചിത്രം 'ഭീഷ്‌മപര്‍വ്വ'ത്തിന് ശേഷം അമല്‍ നീരദ് സംവിധാനം ചെയ്യുന്ന ചിത്രമാണിത്. അമല്‍നീരദ് പ്രൊഡക്ഷന്‍സിന്‍റെയും ഉദയ പിക്‌ചേഴ്‌സിന്‍റെയും ബാനറില്‍ ജ്യോതിര്‍മയിലും കുഞ്ചാക്കോ ബോബനും ചേര്‍ന്നാണ് സിനിമ നിര്‍മിക്കുന്നത്. കുഞ്ചാക്കോ ബോബന്‍ ആദ്യമായി ഒരു അമല്‍ നീരദ് ചിത്രത്തില്‍ അഭിനയിക്കുന്നുവെന്ന പ്രത്യേകതയും ചിത്രത്തിനുണ്ട്. ഈ മാസം 17 നാണ് ബോഗയ്ന്വില്ല തിയേറ്ററുകളിൽ എത്തുന്നത്.
Content Highlights : Jyothirmayi about bougainville movie, Amal Neerad and her come back
