Get the latest news at
your fingertips!
Download our app now
LIVE TV
Search
നവരാത്രി ആഘോഷങ്ങളുടെ ഭാഗമായി എല്ലാ വർഷവും മുംബൈയിൽ ബോളിവുഡ് നടിമാരായ കാജോളും റാണി മുഖർജിയും ചേർന്ന് ദുർഗാ പൂജ സംഘടിപ്പിക്കാറുണ്ട്. ഈ വർഷവും നടിമാർ ദുർഗാ പൂജ ചടങ്ങ് നടത്തിയിരുന്നു. പരിപാടിയുടെ ചിത്രങ്ങളും വീഡിയോയുമെല്ലാം സോഷ്യൽ മീഡിയയിൽ വൈറലാകുകയാണ്. ആലിയ ഭട്ട് അടക്കമുള്ള ബോളിവുഡ് നടിമാർ പങ്കെടുത്ത ചടങ്ങിൽ കാജോൾ ദേഷ്യപ്പെടുന്ന ഒരു വീഡിയോയാണ് സോഷ്യൽ മീഡിയയിൽ വ്യാപകമായി പ്രചരിക്കുന്നത്.
പൂജ നടക്കുന്ന ഇടത്തേക്ക് ഷൂസ് ധരിച്ച് ചിലർ എത്തിയതാണ് കാജോളിനെ പ്രകോപിപ്പിച്ചത്. ചെരുപ്പ് ധരിച്ചെത്തിയവരോട് പുറത്തു പോകണമെന്നും ഇതൊരു പൂജയാണെന്ന് കാജോൾ പറയുന്നതും വീഡിയോയിൽ കാണാം.
അതിനിടെ, ദുര്‍ഗാ പൂജ പന്തലില്‍ വിടാതെ പിന്തുടരുന്ന പാപ്പരാസികളോട് കാജോള്‍ ദേഷ്യപ്പെടുന്നതിന്റെ ദൃശ്യങ്ങളും പുറത്തുവന്നിട്ടുണ്ട്. പൂജയ്‌ക്കെത്തുന്ന അതിഥികളെ പിന്തുടര്‍ന്ന് ഫോട്ടോയെടുക്കുന്നതിനും അവരുടെ വഴി തടസ്സപ്പെടുത്തിയതിനുമാണ് നടി പ്രതികരിച്ചത്. ജയ ബച്ചൻ, ഇഷിത ദത്ത, ശ്വേത ബച്ചൻ, ആലിയ ഭട്ട്, അജയ് ദേവ്ഗൺ തുടങ്ങി ബോളിവുഡിലെ നിരവധി താരങ്ങൾ പൂജയിൽ പങ്കെടുത്തു.
Content Highlights: Bollywood actress Kajol Devgn got angry during Durga Puja
