Get the latest news at
your fingertips!
Download our app now
LIVE TV
Search
ആന്റണി വർഗീസ് പെപ്പെ നായകനായ കൊണ്ടൽ ഒടിടി റിലീസിന്. ഒക്ടോബർ 13 ന് നെറ്റ്ഫ്‌ളിക്‌സിലാണ് ചിത്രം റിലീസ് ചെയ്യുന്നത്. നവാഗതനായ അജിത് മാമ്പള്ളി സംവിധാനം ചെയ്ത ചിത്രത്തിൽ മത്സ്യതൊഴിലാളിയായ മാനുവൽ ആയിട്ടായിരുന്നു ആന്റണി വർഗീസ് എത്തിയത്.
രാജ് ബി ഷെട്ടി, ഷബീർ കല്ലറയ്ക്കൽ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരുന്നു.ഓണത്തിന് റിലീസ് ചെയ്ത ചിത്രങ്ങളിൽ ഒടിടിയിൽ എത്തുന്ന ആദ്യ ചിത്രം കൂടിയാണ് കൊണ്ടൽ. കടലിൽ ചിത്രീകരിച്ച ആക്ഷൻ സീനുകളാണ് ചിത്രത്തിന്റെ ഹൈലൈറ്റുകളിൽ ഒന്ന്.
ഗൗതമി നായർ, നന്ദു മാധവ്, രാഹുൽ രാജഗോപാൽ, ശരത് സഭ, അഭിരാം, മണികണ്ഠൻ ആചാരി, പ്രമോദ് വെളിയനാട്, ജയ കുറുപ്പ്, ഉഷ, തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
സംവിധായകൻ അജിത് മാമ്പള്ളിക്കൊപ്പം റോയലിൻ റോബർട്ട്, സതീഷ് തോന്നയ്ക്കൽ എന്നിവർ ചേർന്നാണ് ചിത്രത്തിന് തിരക്കഥ രചിച്ചിരിക്കുന്നത്. സാം സി എസ് ആണ് ചിത്രത്തിന് സംഗീതം ഒരുക്കിയിരിക്കുന്നത്. കാമറ ദീപക് ഡി മേനോൻ.
അതേസമയം ആസിഫ് അലി നായകനായ ലെവൽ ക്രോസ് എന്ന ചിത്രവും ഒക്ടോബർ 13 ന് റിലീസ് ചെയ്യും. ആമസോൺ പ്രൈമിലാണ് ചിത്രം റിലീസ് ചെയ്യുന്നത്. അർബാസ് അയൂബ് ആയിരുന്നു ചിത്രം സംവിധാനം ചെയ്തത്.
Content Highlights: Antony Varghese Pepe Kondal Movie Set ready to OTT Release
