Get the latest news at
your fingertips!
Download our app now
LIVE TV
Search
സൗബിൻ ഷാഹിറിന് പിറന്നാൾ ആശംസകൾ നേർന്ന് ലോകേഷ് കനകരാജ്. സൗബിനൊപ്പം കൂലിയിൽ പ്രവർത്തിക്കാൻ കഴിഞ്ഞത് അതിഗംഭീരമായ അനുഭവമായിരുന്നെന്നും പിറന്നാൾ ആശംസകൾ നേരുന്നുവെന്നുമാണ് ലോകേഷ് സോഷ്യൽ മീഡിയയിൽ കുറിച്ചത്. സൗബിന്റെ തമിഴിലേക്കുള്ള അരങ്ങേറ്റ ചിത്രമാണ് രജനികാന്ത് നായകനാകുന്ന കൂലി. ലൊക്കേഷനിൽ നിന്നെടുത്ത ഒരു ചിത്രം പങ്കുവെച്ചാണ് ലോകേഷ് സൗബിന് പിറന്നാൾ ആശംസകൾ അറിയിച്ചിരിക്കുന്നത്.
Working with you in #Coolie has been an enthralling experience #SoubinShahir sir ❤️
— Lokesh Kanagaraj (@Dir_Lokesh) October 12, 2024
Wishing you the absolute best and a very happy birthday sir 🤗❤️ pic.twitter.com/aXtMzPTdzZ
നടൻ സത്യരാജിന്റെ ജന്മദിനത്തോട് അനുബന്ധിച്ച് ലോകേഷ് അദ്ദേഹത്തിനും ജന്മദിനാശംസകൾ അറിയിച്ചിരുന്നു. അടുത്തിടെ സിനിമയുടെ ചിത്രീകരണ വീഡിയോ സോഷ്യൽ മീഡിയയിൽ ലീക്കായിരുന്നു. റെക്കോഡിംഗ് കാരണം പലരുടെയും രണ്ട് മാസത്തെ അധ്വാനം പാഴായി എന്നും സിനിമയുടെ മൊത്തത്തിലുള്ള അനുഭവത്തെ നശിപ്പിക്കുന്നതിനാൽ ഇത്തരം പ്രവർത്തനങ്ങളിൽ ഏർപ്പെടരുതെന്ന് താൻ എല്ലാവരോടും അഭ്യർത്ഥിക്കുന്നെന്നും ലോകേഷ് അറിയിച്ചിരുന്നു.
ആക്ഷൻ ഡ്രാമ വിഭാഗത്തിലൊരുങ്ങുന്ന ഒരു പിരിയഡ് ഗ്യാങ്സ്റ്റർ ആക്ഷൻ ത്രില്ലർ ചിത്രമാണ് കൂലി. ഇന്ത്യയിലേക്ക് സിംഗപ്പൂർ, ദുബായ്, യുഎസ്എ തുടങ്ങിയ രാജ്യങ്ങളിൽ നിന്നുള്ള സ്വർണ്ണക്കള്ളക്കടത്ത് ആണ് ചിത്രത്തിന്റെ പ്രമേയമാകുക എന്നാണ് റിപ്പോർട്ട്. സൺ പിക്ചേഴ്സിന്റെ ബാനറിൽ കലാനിധി മാരനാണ് കൂലിയുടെ നിർമ്മാണം. 38 വർഷങ്ങൾക്ക് ശേഷം സത്യരാജും രജനികാന്തും ഒരുമിച്ചെത്തുന്ന ചിത്രം കൂടിയാണ് കൂലി. മലയാളിയായ ഗിരീഷ് ഗംഗാധരനാണ് ഛായാഗ്രാഹകന്. സംഗീതം അനിരുദ്ധ് രവിചന്ദർ. സൗബിൻ ഷാഹിറും ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്.
Content Highlights: Lokesh Kanagaraj wishes Soubin Shahir on his birthday
