Get the latest news at
your fingertips!
Download our app now
LIVE TV
Search
നടൻ സൂര്യയുടെ കരിയറിലെ പ്രധാന ചിത്രങ്ങളിൽ ഒന്നാണ് കങ്കുവ. നവംബർ 14 നാണ് ചിത്രം റിലീസ് ചെയ്യുന്നത്. നേരത്തെ ഒക്ടോബർ 10 ന് റിലീസ് ചെയ്യാനിരുന്ന ചിത്രം പിന്നീട് റിലീസ് നീട്ടുകയായിരുന്നു. എന്നാൽ നവംബർ 14 ന് സൂര്യയുടെ കങ്കുവയ്‌ക്കൊപ്പം മത്സരിക്കാൻ മറ്റൊരു സൂര്യ എത്തുകയാണ്.
നടൻ വിജയ് സേതുപതിയുടെ മകൻ സൂര്യ നായകനാവുന്ന ആദ്യ ചിത്രം 'ഫീനിക്സ്' ആണ് നവംബർ 14 ന് റിലീസ് ചെയ്യുന്നത്. സ്റ്റണ്ട് മാസ്റ്റർ അനൽ അരസു സംവിധാനം ചെയ്യുന്ന ചിത്രം ഒരു സ്‌പോർട്‌സ് ആക്ഷൻ ത്രില്ലറായിട്ടാണ് ഒരുങ്ങുന്നത്.
നേരത്തെ വിജയ് സേതുപതി നായകനായ 'സിന്ദുബാദ്' എന്ന ചിത്രത്തിലൂടെയാണ് മകൻ അഭിനയ രംഗത്തേക്ക് എത്തിയത്. വരലക്ഷ്മി, സമ്പത്ത്, ദേവദർശിനി, മുത്തുകുമാർ, ദിലീപൻ, അജയ് ഘോഷ്, ഹരീഷ് ഉത്തമൻ, മൂനാർ രമേഷ് എന്നിവരാണ് 'ഫീനിക്സി'ൽ പ്രധാന കഥാപാത്രങ്ങളെ അവതരിപ്പിക്കുന്നത്. ഒക്ടോബർ 30 ന് ദീപാവലി റിലീസ് ആയിട്ടായിരുന്നു 'ഫീനിക്സ്' റിലീസ് ചെയ്യാനിരുന്നത്. എന്നാൽ പിന്നീട് നവംബർ 14 ലേക്ക് റിലീസ് മാറ്റുകയായിരുന്നു.
വേൽരാജും പ്രവീണുമാണ് ചിത്രത്തിന്റെ ഛായാഗ്രഹണവും എഡിറ്റിംഗും നിർവ്വഹിച്ചിരിക്കുന്നത് സാം സി എസ് ആണ് ചിത്രത്തിന് സംഗീതം നൽകിയിരിക്കുന്നത്.
ഒരു പീരീഡ് ആക്ഷൻ ത്രില്ലറായിട്ടാണ് കങ്കുവ ഒരുങ്ങുന്നത്. സിരുത്തൈ ശിവ സംവിധാനം ചെയ്യുന്ന ചിത്രം 350 കോടി രൂപ ബജറ്റിലാണ് നിർമ്മിച്ചിരിക്കുന്നത്. സ്റ്റുഡിയോ ഗ്രീനിൻറെ ബാനറിൽ കെ ഇ ജ്ഞാനവേൽ രാജ, യു വി ക്രിയേഷൻസിന്റെ ബാനറിൽ വംശി പ്രമോദ് എന്നിവർ ചേർന്നാണ് ചിത്രം നിർമ്മിക്കുന്നത്. ശിവയ്‌ക്കൊപ്പം ആദി നാരായണയും മദൻ ഗാർഗിയും ചേർന്നാണ് ചിത്രത്തിൻറെ തിരക്കഥ ഒരുക്കിയിരിക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ചിത്രം കേരളത്തിലെത്തിക്കുന്നത്.
Content Highlights : Vijay Sethupathi's son Surya Vs Surya Sivakumar Phoenix to clash with Kanguva
