Get the latest news at
your fingertips!
Download our app now
LIVE TV
Search
നടനും അവതാരകനുമായ സാബുമോൻ സംവിധാന അരങ്ങേറ്റത്തിന് ഒരുങ്ങുന്നു. സാബുമോൻ തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. കോർട്ട് റൂം ഡ്രാമ ജോണറിലാണ് ചിത്രം ഒരുങ്ങുന്നത് എന്ന് അദ്ദേഹം അറിയിച്ചു. യഥാർത്ഥ ജീവിതത്തിൽ വക്കീലും കൂടിയായ താൻ ആദ്യ സിനിമ സംവിധാനം ചെയ്യുന്നതും കോടതി മുറിയിൽ ഉള്ളിലാണെന്ന് നാളുകൾക്ക് മുൻപേ അറിഞ്ഞിരുന്ന കാര്യമാണെന്ന് സാബുമോൻ കുറിച്ചു.
ചിത്രത്തെക്കുറിച്ചുള്ള കൂടുതൽ വിവരങ്ങൾ നിലവിൽ പുറത്തുപറയാൻ കഴിയില്ലെന്നും വരും ദിവസങ്ങളിൽ അപ്ഡേറ്റുകൾ പുറത്തുവിടുമെന്നും സാബുമോൻ സമൂഹ മാധ്യമങ്ങളിലൂടെ വ്യക്തമാക്കിയിട്ടുണ്ട്. നടി പ്രയാഗ മാർട്ടിനാണ് ചിത്രത്തിൽ പ്രധാന വേഷത്തിലെത്തുന്നത്. സ്പൈർ പ്രൊഡക്ഷൻസിന്റെ ബാനറിൽ സഞ്ജു ഉണ്ണിത്താനാണ് ചിത്രം നിർമ്മിക്കുന്നത്.
ടിവി ചാനൽ പരിപാടികളിലൂടെ ശ്രദ്ധേയനായ വ്യക്തിയാണ് സാബുമോൻ. പുണ്യാളൻ അഗർബത്തീസ്, അടി കപ്യാരേ കൂട്ടമണി, ഫയർമാൻ, ഡാർവിൻ്റെ പരിണാമം, ജനമൈത്രി, ജല്ലിക്കെട്ട്, അയ്യപ്പനും കോശിയും തുടങ്ങിയ സിനിമകളിൽ സാബുമോൻ ശ്രദ്ധേയമായ വേഷങ്ങളിലെത്തിയിരുന്നു. രജനികാന്ത് നായകനായ വേട്ടയ്യനാണ് അദ്ദേഹത്തിന്റേതായി ഒടുവിലിൽ പുറത്തിറങ്ങിയ ചിത്രം. വേട്ടയ്യനിൽ സാബുമോൻ 'കുമരേശൻ' എന്ന വില്ലൻ കഥാപാത്രത്തെയാണ് അവതരിപ്പിച്ചത്. കൂടാതെ ബിഗ് ബോസ് മലയാളം സീസൺ 1 ന്റെ വിജയി കൂടിയായിരുന്നു സാബുമോൻ.
Content Highlights: Sabumon to direct a movie starring Prayaga Martin
