Get the latest news at
your fingertips!
Download our app now
LIVE TV
Search
സൂപ്പർ ഹിറ്റ് ചിത്രം ടർബോയ്ക്ക് ശേഷം തന്‍റെ സംവിധാനത്തിലൊരുങ്ങുന്ന പൃഥ്വിരാജ് ചിത്രം ഉടന്‍ റിലീസിനുണ്ടെന്ന് അറിയിച്ച് സംവിധായകൻ വൈശാഖ്. ഖലീഫ എന്ന് പേരിട്ടിരിയ്‌ക്കുന്ന ചിത്രം അണിയറയിൽ ഒരുങ്ങുകയാണ്. പൃഥ്വിരാജിന്റെ ജന്മദിനത്തോട് അനുബന്ധിച്ച് സോഷ്യൽ മീഡിയയിലൂടെ പോസ്റ്റ് പങ്കിട്ടാണ് ഇക്കാര്യം അറിയിച്ചിരിക്കുന്നത്.
അതേസമയം സർപ്രൈസുകൾ തീരുന്നില്ലേ എന്നാണ് ആരാധകരുടെ ചോദ്യം. പൃഥ്വിരാജ് സംവിധാനത്തിലൊരുങ്ങുന്ന ലൂസിഫറിന്റെ രണ്ടാം ഭാഗമായ എമ്പുരാനിലെ ക്യാരക്ടർ പോസ്റ്റർ പങ്കുവെച്ചതോടെയാണ് സർപ്രൈസുകൾക്ക് തുടങ്ങിയത്. ഇതിനു പിന്നാലെ ദിപിൻ ദാസ് സംവിധാനത്തിലൊരുങ്ങുന്ന പൃഥ്വിരാജ് ചിത്രത്തിന്റെ ടൈറ്റിൽ പോസ്റ്ററും എത്തി. ഇപ്പോഴിതാ ഖലീഫയും ഉടൻ എത്തുമെന്നാണ് വൈശാഖും അറിയിച്ചിരിക്കുന്നത്. അടുത്ത വർഷം പൃഥ്വിയുടേതായിരിക്കും എന്നാണ് ആരാധകരുടെ കമന്‍റുകള്‍ .
എമ്പുരാനിൽ മോഹൻലാൽ അവതരിപ്പിക്കുന്ന ഖുറേഷി അബ്രാമിന്റെ വലം കൈയ്യായ സയീദ് മസൂദ് എന്ന കഥാപാത്രത്തെയാണ് പൃഥ്വി സിനിമയിൽ അവതരിപ്പിക്കുന്നത്. സിനിമയുടെ ചിത്രീകരണം പുരോഗമിക്കുകയാണ്. ചിത്രം മലയാളത്തിന് പുറമെ ഹിന്ദി, തമിഴ്, തെലുങ്ക് ഭാഷകളിലും പ്രദര്‍ശനത്തിനെത്തും.
ഗുരുവായൂരമ്പല നടയ്ക്ക് ശേഷം വിപിൻ ദാസുമായി പൃഥ്വിരാജ് വീണ്ടും ഒന്നിക്കുന്ന ചിത്രമാണ് സന്തോഷ് ട്രോഫി. അടുത്ത വർഷമാണ് ചിത്രം തിയേറ്ററുകളിലെത്തുന്നത്. എമ്പുരാന്റെ ചിത്രീകരണത്തിന് ശേഷമാകും പൃഥ്വിരാജ് വിപിന്റെ സെറ്റിൽ ജോയിൻ ചെയ്യുക.
ജിനു ഏബ്രഹാം ആണ് വൈശാഖ് സംവിധാനം ചെയ്യുന്ന ഖലീഫയുടെ തിരക്കഥ ഒരുക്കിയിരിക്കുന്നത്. ജിനു എബ്രഹാം ഇന്നോവേഷൻ, യൂട്ട്‌ലി ഫിലിംസ്, സരിഗമ എന്നിവയുടെ ബാനറിൽ ജിനു എബ്രഹാം, ഡോൾവിൻ കുര്യാക്കോസ്, സൂരജ് കുമാർ എന്നിവർ ചേർന്നാണ് ചിത്രം നിർമിക്കുന്നത്. പോക്കിരി രാജയ്ക്ക് ശേഷം പൃഥ്വിരാജ് വൈശാഖ് കോംബോയിൽ എത്തുന്ന ചിത്രം കൂടിയാണ് ഖലീഫ.
Content Highlights: prithviraj sukumaran vysakh movie khalifa coming soon
