Get the latest news at
your fingertips!
Download our app now
LIVE TV
Search
ഇന്ത്യൻ സിനിമയും ഇന്ത്യൻ സിനിമാപ്രേക്ഷകരുമാണ് തനിക്കെല്ലാം തന്നതെന്നും അതിന് പകരമായി ഇന്ത്യൻ ഇൻഡസ്ട്രിയെ ഹോളിവുഡ് പ്രേക്ഷകർക്ക് മുന്നിലെത്തിക്കാൻ തനിക്ക് ആഗ്രഹമുണ്ടെന്നും ഷാരൂഖ് ഖാൻ. എന്തുകൊണ്ട് ഒരു ഹോളിവുഡ് സിനിമ ഇതുവരെ ചെയ്തില്ലെന്ന് തന്നോട് ഒരുപാട് പേർ ചോദിക്കാറുണ്ട്. ഒരുപാട് റോളുകൾ തന്നിലേക്ക് വന്നിട്ടില്ലെന്നതാണ് അതിന് കാരണമെന്നും ലൊകാർണോ മീറ്റ്സ് എന്ന പോഡ്‌കാസ്റ്റിൽ ഷാരൂഖ് ഖാൻ പറഞ്ഞു.
'ഞാൻ എല്ലാത്തിനും ഇന്ത്യൻ സിനിമയോട് കടപ്പെട്ടിരിക്കുന്നു. അതിന് പകരമായി ഇന്ത്യൻ സിനിമയെ ലോകത്തിനു മുന്നിൽ പ്രദർശിപ്പിക്കാനായാൽ എനിക്ക് സന്തോഷമുണ്ട്. എനിക്കുണ്ടായിരുന്ന സ്വപ്നത്തെ പൂർത്തീകരിക്കാൻ സഹായിച്ചത് ഇന്ത്യൻ പ്രേക്ഷകരാണ്. ഞാൻ ആരംഭിച്ച, എനിക്ക് എല്ലാം നൽകിയ ഈ സ്ഥലത്തെ ഞാൻ ബഹുമാനിക്കുന്നു', ഷാരൂഖ് ഖാൻ മനസ് തുറന്നതിങ്ങനെ.
സുജോയ് ഘോഷ് സംവിധാനം ചെയ്യുന്ന ആക്ഷൻ ചിത്രമായ കിങിലാണ് ഇനി ഷാരൂഖ് ഖാൻ അഭിനയിക്കുന്നത്. സുഹാന ഖാനും ചിത്രത്തിൽ പ്രധാനപ്പെട്ട ഒരു വേഷത്തിലെത്തുന്നുണ്ട്. അഭിഷേക് ബച്ചനാണ് ചിത്രത്തിൽ വില്ലൻ വേഷത്തിൽ എത്തുന്നത്. അനിരുദ്ധ് രവിചന്ദർ ആണ് ചിത്രത്തിന്റെ സംഗീതം ഒരുക്കുന്നത്. ജവാൻ എന്ന ചിത്രത്തിന് ശേഷം അനിരുദ്ധ് - ഷാരൂഖ് കോംബോയിലെത്തുന്ന ചിത്രം കൂടിയാണിത്.
Content Highlights: Shahrukh Khan answers why he did not do a hollywood film yet.
